વીડિયો કોન્ફરન્સ દરમિયાન કપડા વગર જોવા મળ્યા કેનેડાના સાંસદ, પછી માગી માફી

ઓટાવાઃ દુનિયાને માનવાધિકારો પર લેક્ચર આપનાર કેનેડાની સંસદે પોતાના એક સભ્યની કરતૂતો પર શરમજનક સ્થિતિમાં મુકાવુ પડ્યુ છે. હકીકતમાં કોરોના સંક્રમણને કારણે હાઉસ ઓફ કોમન્સની ડિજિટલ મીટિંગ દરમિયાન એક સાંસદ અચાનક કપડા પગર કેમેરાની સામે આવી ગયા. પોતાના સાથી સાંસદની આ કરતૂત જોઈને મીટિંગમાં હાજર તમામ સભ્યો ચોંકી ગયા હતા. 

કેમેરાની સામે નગ્ન દેખાયા સાસંદ, મોબાઇલથી છુપાવ્યો પ્રાઇવેટ પાર્ટ
કેનેડાની સંસદની કાર્યવાહી દરમિયાન નિર્વસ્ત્ર દેખાયેલા આ સાંસદની ઓળખ પોંટિએકના ક્યૂબેક જિલ્લાનું 2015થી પ્રતિનિધિત્વ કરી રહેલા વિલિયમ અમોસના રૂપમાં થઈ છે. જે સ્ક્રીનશોટ વાયરલ થઈ રહ્યો છે તે અનુસાર, અમોસ એક ડેસ્કની પાછળ ઉભા છે અને પ્રાઇવેટ પાર્ટને મોબાઇલથી ઢાંક્યો છે. હજુ તે સામે આવ્યું નથી કે સાંસદે આ ઇરાદાપૂર્વક કર્યુ કે, અજાણતા ભૂલ થઈ છે. 

વિપક્ષી દળોએ સરકારને ઘેરી
વિપક્ષી બ્લોક ક્યૂબેકોઇસ પાર્ટીની સાંસજ ક્લાઉડે બેલેફિયોલિએ પશ્નકાળ બાદ આ ઘટનાને ઉઠાવી અને સૂચન કર્યુ કે સંસદીય મર્યાદા અનુરૂપ સંસદના પુરૂષ સભ્યો ટ્રાઉઝર, અન્ડરવિયર, શર્ટ અને એક જેકેટ તથા ટાઈ પહેરવી જોઈએ. જેનું અન્ય સભ્યોએ સમર્થન કર્યુ હતું. કેનેડાની સંસદે હજુ સુધી આ સાંસદ વિરુદ્ધ કાર્યવાહી કરવાના કોઈ સંકેત આપ્યા નથી.