દુનિયાભરમાં દિવાળીની ઉજવણી, બાઈડેન અને બોરિસ જ્હોન્સને આ અંદાજમાં પાઠવી શુભેચ્છાઓ

નવી દિલ્હી: દેશભરમાં હર્ષોલ્લાસથી દિવાળીની ઉજવણી થઈ રહી છે. કોરોનાની બીજી લહેર આવ્યા બાદથી દેશભરના લોકોએ આટલી ખુશીઓ ઘણા લાંબા સમય પછી મેળવી છે. આ વખતે લોકોમાં તહેવારને લઈને ખુબ ઉત્સાહ જોવા મળ્યો. આ અવસરે ભારત જ નહીં દુનિયાભરના દેશો દિવાળીની ઉજવણીમાં મસ્ત જોવા મળ્યા. 

વ્હાઈટ હાઉસે આપી દિવાળીની શુભકામનાઓ
આ અવસરે અમેરિકાના રાષ્ટ્રપતિ જો બાઈડેન અને તેમના પત્ની ઝિલ બાઈડેને એક જોઈન્ટ સ્ટેટમેન્ટમાં કહ્યું કે કોવિડ-19 મહામારીને જોતા આ વર્ષની દિવાળીના અનેક અર્થ છે. તેમણે કહ્યું કે રાષ્ટ્રપતિ અને પ્રથમ મહિલા હોવાના કારણે વ્હાઈટ હાઉસમાં દિવાળી ઉજવતા સાથે દીવા પ્રગટાવવા અમારા માટે સન્માનની વાત છે. પ્રકાશનું આ પર્વ અમેરિકા, ભારત અને દુનિયાભરમાં એક અબજથી વધુ હિન્દુ, જૈન, શીખ, અને બૌદ્ધ લોકો દ્વારા ઉજવવામાં આવે છે.