આને કહેવાય નસીબ, એક વર્ષ સુધી નોકરી પર નહીં જાય તો પણ ઘરબેઠા મળશે પગાર

China Lucky Draw Jackpot: આજકાલ લોકો પર કામનું ઘણું દબાણ હોય છે. આવી સ્થિતિમાં માનસિક અને શારીરિક સ્વાસ્થ્ય માટે રજા લેવી જરૂરી છે. હાલમાં જ ચીનના શેનઝેનમાં એક કંપનીએ તેના કર્મચારીઓ માટે અનોખી લકી ડ્રો સ્કીમ શરૂ કરી છે. આ અંતર્ગત એક કર્મચારીએ વાર્ષિક ડિનર પાર્ટીમાં 365 દિવસની પેઇડ લીવ જીતીને બધાને ચોંકાવી દીધા હતા.

ચીનના સોશિયલ મીડિયા પ્લેટફોર્મ પર એક વીડિયો સામે આવ્યો છે. તેમાં આ કર્મચારી બતાવવામાં આવ્યો છે. તે કંપનીમાં મેનેજરની પોસ્ટ પર છે. તેમના હાથમાં દેખાતા મોટા ચેક પર 365 દિવસની રજા લખેલી છે.

લકી ડ્રોમાં ઇનામ જીત્યું
અહેવાલો અનુસાર, વ્યક્તિએ તેની કંપની દ્વારા આયોજિત લકી ડ્રોમાં ઇનામ જીત્યું હતું. કંપની દ્વારા આયોજિત લકી ડ્રો પુરસ્કાર અને સજા બંને હતા. જો કે વાર્ષિક પગાર સાથે વેકેશનનો જેકપોટ ઇનામ મેળવવું સરળ ન હતું, પરંતુ નસીબ એ કર્મચારીની તરફેણ કરી. વીડિયોમાં ચેન નામનો આ કર્મચારી ઘણી વખત કહેતો જોવા મળે છે કે શું ઈનામ અસલી છે?

હકીકતમાં, COVID-19 રોગચાળાને કારણે લોકડાઉન દરમિયાન, કંપનીએ 3 વર્ષમાં પ્રથમ વખત ડિનરનું આયોજન કર્યું હતું. આ સમયે જ કંપનીને લકી ડ્રો પ્રોગ્રામ અને જેકપોટ ઈનામોનો સમાવેશ કરવાનો વિચાર આવ્યો.