ચીનઃ વિમાન દુર્ઘટના પહેલાનો વીડિયો આવ્યો સામે, 3 મિનિટમાં નીચે પડી ગયું પ્લેન

નવી દિલ્હીઃ ચાઇના ઈસ્ટર્ન એરલાયન્સનું વિમાન સોમવારે દુર્ઘટનાનો શિકાર થઈ ગયું, જેમાં આશરે 132 લોકો સવાર હતા. દુર્ઘટના બાદ તત્કાલ રેસ્ક્ટૂની ટીમ ઘટના સ્થળે પહોંચી હતી. હવે ઘટનાના ઘણા વીડિયો સોશિયલ મીડિયામાં વાયરલ થઈ રહ્યાં છે, જેને પ્લેન ક્રેશ પહેલાના જણાવવામાં આવ્યાં છે. 

વિમાનમાં સવાર હતા 132 લોકો
બોઇંગ 737 વિમાન તેંગશિયાન કાઉન્ટીના વુઝો શહેરમાં દુર્ઘટનાગ્રસ્ત થઈ ગયું, જેની આસપાસના પહાડી વિસ્તારમાં આગ લાગી ગઈ હતી. 132 યાત્રીકો અને કેબિન ક્રૂને લઈને આ વિમાન કુનમિંગથી ગુઆનઝો જઈ રહ્યું હતું. દુર્ઘટના પહેલાં એટીસી સાથે વિમાનનો સંપર્ક તુટી ચુક્યો હતો અને હવે દુર્ઘટનાના કારણોની તપાસ કરવામાં આવી રહી છે.