કોરોના વાયરસઃ ભારતને 2.9 મિલિયન ડોલરની આર્થિક મદદ કરશે અમેરિકા
કોરોના મહામારી વિરુદ્ધ લડવા માટે અમેરિકાએ ભારતને આશરે 22 કરોડ રૂપિયાની આર્થિક મદદની જાહેરાત કરી ચે. અમેરિકાએ વિશ્વના 64 દેશોને આ મદદ કરી છે, જેના કારણે તે કોવિડ-19ના હાઈ રિસ્ક પર રહેલા આ દેશોને કુલ 274 મિલિયન અમેરિકી ડોલરની મદદ કરશે.
વોશિંગ્ટનઃ અમેરિકાએ ભારત સહિત કોરોના વાયરસ સામે લડી રહેલા 64 દેશોને 274 મિલિયન અમેરિકી ડોલરની આર્થિક મદદ આપવાની જાહેરાત કરી છે. આ આર્થિક મદદમાં અમેરિકા ભારતને 29 લાખ (આશરે 22 કરોડ રૂપિયા) અમેરિકી ડોલરની મદદ કરશે. વૈશ્વિક મહામારી બની ચુકેલા કોરોના વાયરસથી આ સમયે અમેરિકા સહિત 64 દેશો એવા છે, જે હાઈ રિસ્ક પર છે.
અમેરિકાના વિદેશ મંત્રી માઇક પોમ્પિયોએ ભારતને 2.9 મિલિયન યૂએસ ડોલરની મદદની જાહેરાત કરતા જણાવ્યું કે, આ પૈસાથી ભારત સરકાર લેબોરેટરી સિસ્ટમ, એક્ટિવેટ કેસને શોધવા, દેખરેખ અને ટેક્નિકલ એક્સપર્ટ્સની મદદ સંબંધી તૈયારીઓ વગેરેને પહોંચી વળવાના કામમાં ઉપયોગ કરશે.
Zee News App ડાઉનલોડ કરો, અમારી સાથે જોડાઓ : facebook | twitter | youtube