બિઝનેસ ટ્રીપ વખતે માણી અંગત પળો અને થયું મોત, તો જવાબદારી કોની? કોર્ટે આપ્યો આ જવાબ

નવી દિલ્હી: કોઈ બિઝનેસ ટ્રીપ પર જાય અને અંગત પળો વિતાવે અને કોઈ કારણસર તેનું મોત થઈ જાય તો શું તેની જવાબદારી કંપનીની હોઈ શકે? ફ્રાન્સમાં આવો જ એક કેસ સામે આવ્યો છે અને કોર્ટે જવાબદાર કંપનીને ઠેરવતા પરિવારને વળતર ચૂકવવાનો આદેશ પણ આપ્યો છે. વાત જાણે એમ છે કે એક અજાણી મહિલા સાથે સેક્સ દરમિયાન એમ ઝેવિયર નામની વ્યક્તિને હાર્ટ એટેક આવી ગયો. ઝેવિયર રેલ એન્જિનિયરિંગ કંપનીમાં કામ કરતા હતાં અને 2013માં એક બિઝનેસ ટ્રીપ પર લોઈરટ ગયા હતાં. એક રાત તેઓ હોટલે પાછા ફરતા પહેલા એક મહિલાના ઘરે ગયા અને સેક્સ દરમિયાન હ્રાર્ટ એટેક આવતા તેમનું મોત થયું. 

એક હેલ્થ ઈન્શ્યોરન્સ કંપનીએ કહ્યું કે ઝેવિયરના મોતની જવાબદારી રેલ એન્જિનિયરિંગ કંપનીની છે જેમાં તેઓ કામ કરતા હતાં પરંતુ તે કંપનીએ કહ્યું કે તેઓ બિઝનેસથી અલગ પોતાની અંગળ પળો વિતાવી રહ્યાં હતાં અને આ દરમિયાન કંપની દ્વારા બૂક કરાયેલી હોટલમાં પણ રોકાયા નહતાં. આ મામલો કોર્ટમાં ગયો અને મે મહિનામાં પોતાનું ચુકાદો સંભળાવતા કોર્ટે પણ ઈન્શ્યોરન્સ કંપનીના નિર્ણયને યથાવત રાખ્યો.

જુઓ LIVE TV