આ છે ચીનની સૌથી સુંદર અભિનેત્રી, કર્યું એવું કામ કે રાખવી પડી `સિક્રેટ કસ્ટડી`માં

બેઈજિંગ: ફેન બિંગબિંગ (Fan Bingbing)એ હાલના સમયમાં ચીનની સૌથી સુંદર અભિનેત્રી ગણાય છે. તે લગભગ 3 મહિનાથી જાહેરમાં જોવા નહતી મળી. તેને 3 માસ માટે સિક્રેટ કસ્ટડીમાં રાખવામાં આવી હતી. હવે તેને સિક્રેટ કસ્ટડીમાંથી મુક્ત કરવામાં આવી છે. અભિનેત્રીને કરચોરીના મામલે 13 કરોડ ડોલર એટલે કે લગભગ 950 કરોડ રૂપિયા દંડ ભરવાનો કહેવાયું છે. બુધવારે આવેલા મીડિયા રિપોર્ટ્સ મુજબ કરચોરીના આરોપ લાગ્યા બાદ 37 વર્ષની ફેન બિંગબિંગ જૂન મહિનાથી જાહેરામાં જોવા મળી નહતી. આ ઉપરાંત સોશિયલ મીડિયા ઉપર પણ તેની કોઈ અપડેટ નહતી. તેના ગાયબ થવાની ઘટના દુનિયાભરમાં ચર્ચા બની ગઈ હતી. એક જુલાઈથી તે જાહેરમાં જોવા નહતી મળી. એમ પણ કહેવાયું હતું કે ચીનની સરકારની આલોચના કરવાના કારણે તેને ગુપ્ત સ્થાને રાખવામાં આવી હતી.