બગદાદમાં અમેરિકાના એરબેઝ પર રોકેટ હુમલો, 4 ઈરાકી એરમેન ઈજાગ્રસ્ત

નવી દિલ્હીઃ વિશ્વ અત્યારે ઈરાન તરફ જોઈ કહ્યું છે. અમેરિકા અને ઈરાન વચ્ચે જંગનો ખતરો જોવા મળી રહ્યો છે. ઈરાને ઇરાકમાં અમેરિકા અને ગઠબંધન સેનાના ઠેકાણા પર 4 જેટલા રોકેટથી હુમલો કર્યો છે. ઈરાને આજે અમેરિકા પર મોટો હુમલો કર્યો છે. તેણે ઇરાકમાં સૈન્ય ઠેકાણા પર 4 રોકેટ છોડ્યા છે. તેમાં ચાર લોકોને ઈજા થઈ છે. 

વોશિંગટન અને તેહરાન વચ્ચે ઉભા થયેલા તણાવને જોતા બગદાદના અલ-બલાડ એરબેઝથી પહેલા જ મોટી સંખ્યામાં અમેરિકી વાયુ સૈનિક ત્યાંથી જતા રહ્યાં છે. આજના હુમલાને પણ ઈરાન સાથે જોડીને જોવામાં આવી રહ્યો છે કારણ કે ચાર દિવસ પહેલા જ 8 જાન્યુઆરીએ ઈરાને અમેરિકાના એરબેઝ પર મિસાઈલથી હુમલો કર્યો હતો.