હોંગકોંગ આવવા માગતા ટુરિસ્ટો માટે સારા સમાચાર, 5 લાખ લોકોને મળશે ફ્રી ટિકિટ, જાણો કેવી રીતે
Hong Kong: હોંગકોંગનાં નેતા જોન લીએ 2 ફેબ્રુઆરીથી પ્રચાર અભિયાન શરૂ કર્યું છે. આ અભિયાન હેઠળ 5 લાખ લોકોને મફત વિમાન સેવાનો લાભ આપવાની જાહેરાત કરવામાં આવી છે.
નવી દિલ્હીઃ Hello Hong Kong Campaign: હોંગકોંગના લીડર જોન લીની આ ઓફર એવા લોકો માટે છે જેઓ કોવિડ-19ના ત્રણ વર્ષ પછી બિઝનેસ કરવા અથવા મુસાફરી કરવા હોંગકોંગ આવવા માંગે છે. આ અભિયાનનું નામ હેલો હોંગકોંગ (Hello Hong Kong) છે. તેની શરૂઆત શહેરના એક ખાસ કોન્ફરન્સ હોલમાં ડાન્સર્સ અને ફ્લેશિંગ નિયોન લાઈટો સાથે થઈ હતી.
આ અભિયાનના ઉદઘાટન સમારોહમાં હેલો હોંગકોંગનું સ્લોગન પણ આપવામાં આવ્યું હતું. આ સૂત્ર રશિયન અને સ્પેનિશ સહિત વિવિધ ભાષાઓમાં આપવામાં આવ્યું હતું. તે જ સમયે, જ્હોન લીએ કહ્યું કે આ અભિયાન બતાવશે કે શહેરને પ્રવાસીઓ માટે ખોલવામાં આવ્યું છે અને તેનો હેતુ ચીનનાં વિશેષ વહીવટી ક્ષેત્રમાં વેપાર અને રોકાણને પ્રોત્સાહન આપવાનો છે.
આ પણ વાંચોઃ ગૌતમ અદાણી હવે ટોપ 20 ધનિકોની યાદીમાંથી પણ બહાર, ઉપરાઉપરી બીજો ઝટકો પણ મળ્યો
હોંગકોંગના નેતાએ માહિતી આપી
હોંગકોંગના નેતા જોન લીએ કહ્યું કે હોંગકોંગ હવે મુખ્ય રૂપથી ચીન અને સમગ્ર આંતરરાષ્ટ્રીય વિશ્વ સાથે જોડાયેલું છે. તે હવે અલગ નથી. અહીં કોઈ પણ પ્રકારનું પ્રતિબંધ નથી, ન તો કોવિડ આઈસોલેશનનો કોઈ નિયમ છે. દુનિયાભરના લોકો અહીં આવીને શહેરની મજા માણી શકે છે.
હેલો હોંગકોંગ અભિયાનના પ્રારંભમાં શહેરના પ્રવાસન, વેપાર અને એરલાઇન્સ વિભાગના અધિકારીઓ હાજર રહ્યા હતા. અધિકારીઓએ જણાવ્યું હતું કે એરલાઇન્સ કેથે પેસિફિક, હોંગકોંગ એક્સપ્રેસ અને હોંગકોંગ એરલાઇન્સ દ્વારા 1 માર્ચથી છ મહિના માટે વિદેશથી આવતા લોકોને મફત ફ્લાઇટની સેવા આપવામાં આવશે. ઝુંબેશ સાથે સંકળાયેલી આગામી ઇવેન્ટ્સમાં ક્લોકેનફ્લેપ મ્યુઝિક ફેસ્ટિવલ, હોંગ કોંગ મેરેથોન અને રૂબી સેવન્સ ટુર્નામેન્ટનો સમાવેશ થાય છે.
આ પણ વાંચોઃ અહીંની સરકાર 9 કરોડ કોન્ડોમ મફતમાં આપશે, વેલેન્ટાઇન દિવસને લઇ મહત્વનો નિર્ણય...
ચીનની ઝીરો કોવિડ પોલિસી
છેલ્લા ત્રણ વર્ષથી કોવિડ-19ને કારણે હોંગકોંગે સરહદ બંધ કરી દીધી હતી. આ દરમિયાન, ત્યાં આવવા માટે ત્રણ અઠવાડિયાનું આઇસોલેશન ફરજિયાત હતું અને સાથે જ કોવિડ ટેસ્ટ અને સ્ક્રીનીંગ પણ જરૂરી હતું. ગયા વર્ષે, 2022ના મધ્ય સુધી, હોંગકોંગે ચીનની ઝીરો કોવિડ નીતિનું પાલન કર્યું હતું. આ પછી તેણે ધીરે ધીરે નિયમોમાં છૂટછાટ આપવાનું શરૂ કર્યું. હોંગકોંગે ડિસેમ્બરમાં મોટાભાગના નિયમોને છોડી દીધા હતા, પરંતુ વિદ્યાર્થીઓ માટે દરરોજ રેપિડ ટેસ્ચની સાથે સાથે કસરત અને માસ્ક પહેરવા ફરજિયાત કરાયા હતા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube