અમેરિકાની રાજધાની વોશિંગટન ડીસીમાં ભારે પૂર, વ્હાઈટ હાઉસમાં ઘુસ્યું પાણી

વોશિંગટન ડીસીઃ અમેરિકાની રાજધાનીમાં પડેલા અતિભારે વરસાદના કારણે શહેરના અનેક વિસ્તારોમાં પૂરની સ્થિતિ સર્જાઈ છે. છેલ્લા એક કલાક દરમિયાન પડેલા ભારે વરસાદના કારણે વોશિંગટન ડીસી પાસેથી પસાર થતી પોટોમેક નદીમાં પૂર આવ્યું હતું. વ્હાઈટ હાઉસની વેસ્ટ વિંગની નજીક આવેલા પ્રેસ વર્કશોપના ભોંયરામાં પાણી ઘુસી જતાં કર્મચારીઓએ વેક્યુમ ક્લિનરની મદદથી પાણી કાઢ્યું હતું, ભારે પૂરના કારણે સડકો પર કેડસમા પાણી વહેતા થઈ જતાં વાહનો ફસાઈ ગયા હતા.