ખાલિસ્તાનીઓને કેનેડાના દિગ્ગજ નેતાએ આપ્યો જડબાતોડ જવાબ, હિન્દુઓના સમર્થનમાં શું કહ્યું તે જાણો

કેનેડામાં ખાલિસ્તાન મુદ્દો ચરમસીમાએ પહોંચ્યો છે. સતત થઈ રહેલી નિવેદનબાજી વચ્ચે શીખ ફોર જસ્ટિસના ચીફ ગુરુપતવંત સિંહ પન્નુએ  કેનેડામાં રહેતા હિન્દુઓને દેશ છોડવાની ધમકી આપી હતી. હવે આ વીડિયોની ટીકા થઈ રહી છે. કેનેડામાં વિપક્ષના નેતા પિયરે પોઈલિવરે પણ પોતાના સંદેશમાં લોકોને ખાસ કરીને હિન્દુઓ માટે વિશેષ ઉલ્લેખ કર્યો છે. તેમણે કહ્યું કે દરેક કેનેડિયન કોઈ પણ ડર વગર જીવવા માટે હકદાર છે. 

વિપક્ષના નેતા પિયરે પોઈલિવરે પણ કહી આ વાત
 કેનેડામાં વિપક્ષના નેતા પિયરે પોઈલિવરે પણ પોતાના સંદેશામાં લોકો, ખાસ કરીને હિન્દુઓ માટે વિશેષ વાતો કરી છે. તેમણે કહ્યું કે દરેક કેનેડિયન કોઈ પણ ડર વગર જીવવા માટે હકદાર છે. હાલના દિવસોમાં અમે કેનેડામાં હિન્દુઓને નિશાન બનાવતી ધૃણિત ટિપ્પણીઓ જોઈ છે. રૂઢીવાદીઓ અમારા હિન્દુ પાડોશીઓ અને મિત્રો વિરુદ્ધ આ ટિપ્પણીઓની ટીકા કરે છે. હિન્દુઓએ અમારા દેશના દરેક ભાગમાં અમૂલ્ય યોગદાન આપ્યું છે અને તેમનું અહીં હંમેશા સ્વાગત કરવામાં આવશે.