જો ભારતીય ગુપ્તચર અધિકારીઓની વાત માની હોત તો શ્રીલંકા શ્રેણીબદ્ધ વિસ્ફોટથી બચી જતું

કોલંબોઃ ઈસ્ટરના પ્રસંગે ભારતના પડોશી દેશ શ્રીલંકામાં થયેલા શ્રેણીબદ્ધ બોમ્બ વિસ્ફોટના થોડા કલાક પહેલા જ ભારતીય ગુપ્તચર એજન્સીના અધિકારીઓએ શ્રીલંકાના ગુપ્તચર વિભાગના અધિકારીઓને આ અંગે ચેતવણી આપી હતી. સાથે જ તેમને એલર્ટ રહેવા પણ જણાવ્યું હતું. આ ઘટનાની તમામ માહિતી ધરાવતા ત્રણ સૂત્રોએ સમાચાર એજન્સી રોઈટર્સને આ વાત જણાવી છે. 

રોઈટર્સના સમાચાર અનુસાર, શ્રીલંકાના ગુપ્તચર અધિકારીઓને ઈસ્લામિક આતંકવાદીઓ દ્વારા સંભવિત હુમલા અંગે આગોતરી જાણ કરવામાં આવી હતી. રવિવારે શ્રીલંકામાં થયેલા શ્રેણીબદ્ધ વિસ્ફોટમાં મૃતકોનો આંકડો હવે 359 પર પહોંચ્યો છે. 

ઉલ્લેખનીય છે કે, રવિવારે ઈસ્ટરના પ્રસંગે શ્રીલંકામાં ત્રણ ચર્ચ અને ચાર ફાઈસ્ટાર હોટલમાં શ્રેણીબદ્ધ વિસ્ફોટ થયા હતા. આ હુમલામાં અત્યાર સુધી 359નાં મોત થયા છે અને 500થી વધુ ઘાયલ થયા છે. 

શ્રીલંકાની સરકારના એક સૂત્રે વધુમાં જણાવ્યું કે, "શનિવારે રાત્રે ભારત તરફથી અમને ચેતવણી મોકલવામાં આવી હ તી. ભારત સરકારના સૂત્રએ જણાવ્યું કે, આ જ પ્રકારનો સંદેશો 4 એપ્રિલ અને 20 એપ્રિલના રોજ શ્રીલંકાના ગુપ્તચતર એજન્ટોએ પણ આપ્યા હતા."