પુતિનનો આ દાવ કામ કરી ગયો, તો રશિયાનો ઈતિહાસ 228 વર્ષ બાદ બદલાશે

રશિયામાં રાષ્ટ્રપતિ વ્લાદીમીર પુતિન આજે ભારતની બે દિવસની મુસાફરી પર આવી રહ્યાં છે. પુતિનની આ મુસાફરીમાં દેશભરની નજર એસ-400 વાયુ પ્રતિરક્ષા પ્રણાલીના કરાર પર રહેશે. ભારત અને રશિયા વચ્ચે થનારા આ કરારમાં અમેરિકાની બાજ નજર છે. ભારત અને રશિયાના મિત્રતાભર્યાં સંબંધોમાં છેલ્લાં કેટલાક સમયથી કડવાશ આવી હતી, પરંતુ આ નવા કરારથી બંને દેશો એકબીજાની ફરીથી નજીક આવશે. રશિયા પર નજર કરીએ, તો રશિયા પર છેલ્લાં દોઢ દાયકાથી પુતિનનું જ શાસન છે. આવનારા વર્ષોમાં પણ પુતિનનું રાજ કાયમ રહે તેવી શક્યતા છે. પુતિન દુનિયાના સૌથી તાકાતવાર શખ્સિયતોમાં સ્થાન પામે છે. પુતિનના પરિવાર વિશેની માહિતી બહુ જ ઓછા લોકો જાણે છે. એમ કહો કે તેમનો પરિવાર હંમેશા લાઈમલાઈટથી દૂર રહે છે.