અમેરિકામાં તોફાન ઇયાને મચાવી તબાહી, અત્યાર સુધી 70થી વધુ લોકોના મોત

ફ્લોરિડાઃ અમેરિકાના ફ્લોરિડા અને ઉત્તરી કૈરોલિનામાં ઇયાન તોફાનથી મૃત્યુ પામનારની સંખ્યા 70થી વધુ થઈ ગઈ છે. તેમાંથી માત્ર ફ્લોરિડામાં 45 શંકાસ્પદ મોતની માહિતી છે. ઇયાન તોફાને બુધવાર અને ગુરૂવારે ફ્લોરિડામાં તબાહી મચાવ્યા બાદ શુક્રવારે અમેરિકી રાજ્ય દક્ષઇમ કૈરોલિનામાં એન્ટ્રી કરી હતી. ત્યારબાદ તે શનિવારે દક્ષિણ-મધ્ય વર્જીનિયા તરફ જતું રહ્યું હતું. 

આ જાણકારી રવિવારે એનસીબી ન્યૂઝે સત્તાવાર આંકડા અને પોતાના રિપોર્ટના આધારે આપી છે. એનબીસીએ કહ્યું કે શનિવારે આ તોફાનથી મૃત્યુ પામનારની સંખ્યા 77 થઈ ચુકી છે અને આ આંકડો વધી શકે છે. અમેરિકાના મીડિયાએ શુક્રવારે કહ્યું હતું કે ફ્લોરિડામાં ઇયાન તોફાનથી ઓછામાં ઓછા 45 શંકાસ્પદ મોતની સૂચના છે. 

આ પણ વાંચોઃ યુવતીઓ ડાન્સ કરી રહી હતી...અચાનક ધરતીમાં સમાઈ ગઈ!, જુઓ Viral Video

ઘણા લોકો લાપતા
ફ્લોરિડામાં ઇમજરન્સી મેનેજમેન્ટના ડાયરેક્ટર કેવિન ગુથરીએ કહ્યુ કે રાજ્યમાં ઇયાન તોફાનથી એક મોતની પુષ્ટિ થઈ છે જ્યારે 20 અપુષ્ટ મોતની તપાસ ચાલી રહી છે. ફ્લોરિડાના ગવર્નર રોન ડેન્સેટિસ અનુસાર ઇયાન ફ્લોડિરામાં બુધવારે પહોંચ્યા બાદ ઓછામાં ઓછા 1100 લોકોને બચાવવામાં આવ્યા છે. તોફાનના કારણે ઘણા લોકો લાપતા પણ થયા છે. 

19 લાખ લોકો અંધારામાં
તોફાનને કારણે રાજ્યના 19 લાખ લોકો અંધારામાં રહેવા માટે મજબૂર છે. અમેરિકી મીડિયા અનુસાર શુક્રવારે દક્ષિણ કૈરોલિનામાં બે લાખથી વધુ અને ઉત્તરી કૈરોલિનામાં 1.38 લાખથી વધુ વીજળી કટ કરવામાં આવી. અમેરિકી રાષ્ટ્રપતિ જો બાઇડેને દક્ષિણ કૈરોલિનામાં ઇમરજન્સીની જાહેરાત કરી અને કહ્યું કે ઇયાન તોફાન ફ્લોરિડાના ઈતિહાસમાં સૌથી ઘાતક તોફાન સાબિત થઈ શકે છે.