US: વોશિંગ્ટન ડીસીમાં વ્હાઈટ હાઉસ નજીક અંધાધૂંધ ફાયરિંગ, એકનું મોત અને 5 ઘાયલ

વોશિંગ્ટન ડીસી: અમેરિકાની રાજધાની વોશિંગ્ટન ડીસીમાં જાહેરમાં રસ્તા પર ફાયરિંગની ઘટના ઘટી છે. રોયટર્સે સ્થાનિક મીડિયાના રિપોર્ટના હવાલે આપેલી જાણકારી મુજબ આ ફાયરિંગમાં અનેક લોકોને ગોળી વાગી છે. સમાચાર એજન્સીના અહેવાલ મુજબ જે જગ્યાએ ફાયરિંગ થયું છે તે અમેરિકી રાષ્ટ્રપતિના નિવાસ સ્થાન વ્હાઈટ હાઉસથી માત્ર 3 કિમી દૂર છે. છેલ્લે મળતી માહિતી મુજબ આ ફાયરિંગની ઘટનામાં એકનું મોત થયું છે જ્યારે 5 લોકો ઘાયલ થયા છે.