National Pet Day:આ છે વિશ્વનું સૌથી નાનું ડૉગી, કોઇ સેલિબ્રિટીથી કમ નથી, ખોબામાં સમાઇ જશે

Shortest Dog Pearl: એવું કહેવાય છે કે આ દુનિયામાં કૂતરાથી વધુ વફાદાર કોઈ નથી અને અન્ય પાલતુ પ્રાણીઓ સાથે પણ આવું જ છે. આવો આજે અમે તમને નેશનલ પેટ ડેનો ઈતિહાસ જણાવીએ અને જાણીએ વિશ્વના સૌથી શોર્ટેસ્ટ ક્યૂટેસ્ટ ડોગી વિષે..

પેટ ડેનો ઇતિહાસ
આ દિવસની શરૂઆત વર્ષ 2006માં એનિમલ વેલફેર કેમ્પેઈનર Colleen Paige દ્વારા કરવામાં આવી હતી. તેમનો ઉદ્દેશ્ય પ્રાણીઓની સંભાળને પ્રોત્સાહન આપવાનો છે. આ દ્વારા લોકોને પાળતુ પ્રાણી રાખવાની સલાહ આપવામાં આવે છે. નેશનલ ઇન્સ્ટિટ્યૂટ ઑફ હેલ્થના જણાવ્યા અનુસાર, પેટ ન માત્ર આપણને મદદ કરે છે, પરંતુ તે કોલેસ્ટ્રોલ અને બ્લડ પ્રેશરના સ્તરને પણ નિયંત્રણમાં રાખવા મદદ કરે છે.

પર્લ એ માદા ચિહુઆહુઆ ડૉગી છે જે ફક્ત બે વર્ષનું છે અને તેને વિશ્વના સૌથી નાના ડૉગી તરીકે ગિનીસ વર્લ્ડ રેકોર્ડ્સ (GWR) દ્વારા સત્તાવાર રીતે માન્યતા આપવામાં આવી છે. પર્લની ઊંચાઈ માત્ર 3.59 ઈંચ અને લંબાઈ 5.0 ઈંચ છે; તેનું કદ ડોલર બિલ જેટલું છે અને તે પોપ્સિકલ સ્ટીક કરતા પણ નાની છે. GWR મુજબ, પર્લ મિરેકલ મિલીની જોડિયા બહેન છે, જે અગાઉની રેકોર્ડ હોલ્ડર હતી. જન્મ સમયે, મિલી અને પર્લ બંનેનું વજન 28 ગ્રામ હતું.

વિશ્વનું સૌથી નાનું ડૉગી 
તાજેતરમાં, પર્લ ટીવી પ્રોગ્રામ "લો શો ડી રેકોર્ડ" માં જોવા મળી હતી અને તેને તાળીઓના ગડગડાટ સાથે આવકારવામાં આવી. માલિક વેનેસા સેમલર તેને શોમાં સ્ટેજ પર લાવી. સેમલરે શોના હોસ્ટ જેરી સ્કોટીની સામે પર્લને ડિવા તરીકે જણાવી હતી. સેમલરે પર્લના કેટલાક રસપ્રદ પાસાઓ પણ જણાવ્યા હતા. તેણે કહ્યું કે પર્લ એક શાંત ડૉગી  છે જે ચિકન અને સૅલ્મોન જેવા હૈ ક્વોલિટીવાળા ખોરાકનો આનંદ માણે છે.

તસવીરો સોશિયલ મીડિયા પર વાયરલ 
તે સેમલર સાથે ખરીદી કરવા પણ જાય છે. ગિનીસ વર્લ્ડ રેકોર્ડ્સ દ્વારા તેને "એક બૉલ જેટલી નાની" જણાવવામાં આવી છે. પર્લની અંતિમ ઊંચાઈનું માપન ફ્લોરિડામાં ક્રિસ્ટલ ક્રીક એનિમલ હોસ્પિટલમાં કરવામાં આવ્યું હતું, જ્યાં તેણીનો જન્મ થયો હતો. ગિનિસ વર્લ્ડ રેકોર્ડ્સનો બ્લોગ જણાવે છે કે દરેક માપ તેના આગળના પગના પાયાથી પગની ટોચ સુધી સીધી ઊભી રેખામાં કરવામાં આવ્યું હતું. GWR એ પર્લની ઉપલબ્ધીની જાહેરાત કરવા માટે ટ્વિટર પર સમાચાર શેર કર્યા.