આ શહેરના મેયરે પર્યટકોને કડક શબ્દોમાં કહ્યું- `ગંદા કામ` માટે અહીં આવવું નહીં

Amsterdam Not Welcome Tourists: કોરોનાના વધતા પ્રકોપને જોતા અનેક દેશોએ પોત પોતાના ત્યાં વિદેશી પર્યટકોની એન્ટ્રી પર પ્રતિબંધ મૂક્યા હતા. પરંતુ હવે મહામારીની અસર ઓછી થયા બાદ અર્થવ્યવસ્થાને ફરી મજબૂત બનાવવા માટે ટુરિસ્ટ પ્લેસ તરીકે ઓળખ મેળવનારા દેશ વિદેશી પર્યટકોને વેલકમ કરી રહ્યા છે. આમ છતાં દુનિયાનું એક શહેર એવું પણ છે કે જ્યાં પર્યટકોને આમંત્રણ તો અપાઈ રહ્યું છે પરંતુ તેમની પાસેથી કેટલીક આસાઓ પણ રાખવામાં આવી રહી છે. આ શહેર છે નેધરલેન્ડની રાજધાની આમ્સ્ટર્ડમ, જ્યાંના મેયર ફેમ્ફે હલ્સેમાએ શહેરમાં આવનારા પર્યટકોને ખાસ પ્રકારની શિખામણ આપી છે. 

આવા પર્યટકોના સ્વાગત માટે તૈયાર નથી મેયર
વાત જાણે એમ છે કે દુનિયાના ટોપ ટુરિસ્ટ પ્લેસમાંથી એક આમ્સ્ટર્ડમ પોતાના સ્થાનિક નાગરિકો અને પર્યટકો વચ્ચે સંતુલન બનાવવાની કોશિશમાં છે. આ જ કારણ છે કે શહેરના મેયર ફેમ્ફે હલ્સેમાએ કહ્યું કે તેઓ એવા પર્યટકોનું સ્વાગત કરવા માટે જરાય તૈયાર નથી જેઓ અહીં ફક્ત સેક્સ અને ડ્રગ્સની શોધમાં આવે છે. બ્લૂમબર્ગ સાથે વાતચીતમાં તેમનું કહેવું છે કે શહેરની સુંદરતા અને અહીંના નેચરને માણવા માંગતા હોવ તો તમારું સ્વાગત છે. સ્થાનિક નેતાઓએ શહેરની છબી સુધારવાના હેતુથી આવું પગલું ભર્યું છે.