પાકિસ્તાને સ્વીકારી ભારતીય વાયુ સેનાની બહાદુરી, કહ્યું- હા, LOC ક્રોસ કર્યું

નવી દિલ્હી : ભારતીય એરફોર્સે LOC ક્રોસ કરીને જૈશ-એ-મોહંમદના અનેક ટ્રેનિંગ કેમ્પને તબાહ કરી દીધા છે. પાકિસ્તાની સેનાના પ્રવક્તા મેજર જનરલ આસિફ ગફુરે પણ ટ્વિટ કરીને ભારતીય એરફોર્સના LOC ક્રોસ કરવાની વાત કબૂલી છે. જોકે, પાકિસ્તાને આ તબાહી પર ચુપ્પી બનાવી છે. ભારતીય સેના તરફથી હાલ આ મામલે કોઈ અધિકારીક નિવેદન આવ્યું નથી. પાકિસ્તાની સેનાના પ્રવક્તાએ ટ્વિટ કરીને કહ્યું કે, ભારતીય વાયુસેનાએ મુઝફ્ફરાબાદ સેક્ટરથી LOC ક્રોસ કરવાનો પ્રયાસ કર્યો છે. પાકિસ્તાની સેના તરફથી સમય મર્યાદામાં જ જવાબી કાર્યવાહી કરવામાં આવશે. આ ઘટનામાં કોઈ પ્રકારનું નુકસાન થયું નથી. 

ઉલ્લેખનીય છે કે, ભારતીય વાયુસેનાએ માત્ર આતંકી કેમ્પ પર જ કાર્યવાહી કરી છે. તેમાં પાકિસ્તાની સેના કે ત્યાંના સ્થાનિક નાગરિકોને કોઈ પ્રકારનું નુકશાન પહોંચાડ્યું નથી. 

પુલવામા આતંકી હુમલામાં સીઆરપીએફના 40 જવાન શહીદ થયા હતા. તેના બાદ જ ભારતીય સેનાએ કાર્યવાહી કરીને પુલવામા હુમલાના માસ્ટર માઈન્ડને ઠાર માર્યો હતો. આ ઓપરેશનમાં ભારતના પાંચ જવાન પણ શહીદ થયા હતા. તેના બાદ વડાપ્રધાન નરેન્દ્ર મોદીએ સ્પષ્ટ કહ્યું હતું કે, સેનાની પાસે કાર્યવાહી કરવાની પૂરતી છૂટ છે.