દિલ્હી હિંસા પર ઇમરાન ખાને ઝેર ઓક્યુ, ભારતમાં 20 કરોડ મુસલમાનોને બનાવવામાં આવી રહ્યાં છે નિશાન

ઇસ્લામાબાદઃ પાકિસ્તાનમાં હિંદુ અને ઈસાઈ યુવતીઓની સાથે બળજબરીથી લગ્ન અને બળાત્કારની ઘટનાઓ પર અત્યાર સુધી મૌન રહેનાર ઇમરાન ખાને દિલ્હીમાં સીએએ હિંસા દરમિયાન 22 લોકોના મોત પર ઝેર ઓક્યું છે. ઇમરાન ખાને કહ્યું કે, ભારતમાં 20 કરોડ મુસલમાનોને નિશાન બનાવવામાં આવી રહ્યાં છે. તેમણે કહ્યું કે, નાઝિઓથી પ્રેરિત આરએસએસના લોકોએ પરમાણુ હથિયારથી લેસ ભારત પર કબજો કરી લીધો છે અને વિશ્વ સમુદાયે હવે કાર્યવાહી કરવી જોઈએ. 

પાક પીએમ ઇમરાન ખાને ટ્વીટ કરીને કહ્યું, 'મેં સંયુક્ત રાષ્ટ્રમાં પહેલા જ ભવિષ્યવાણી કરી હતી કે એકવાર જિન્ન બોટલથી બહાર આવી જશે તો લોહીલુહાણ ખૂબ ભીષણ થશે. કાશ્મીર એક શરૂઆત હતી. હવે ભારતના 20 કરોડ મુસલમાનોને નિશાન બનાવવામાં આવી રહ્યાં છે. વિશ્વ સમુદાયએ હવે જરૂરી રૂપથી કાર્યવાહી કરવી જોઈએ.'