માત્ર એક સ્વિચને On/Off કરવાના મળશે 30 કરોડ રૂપિયા, છતાં કોઈ નથી કરવા ઈચ્છતું આ નોકરી
Most Difficult Job in the World: આજે અમે તમને એક એવી નોકરી વિશે જણાવીશું, જ્યાં તમને માત્ર એક સ્વિચને ઓન અને ઓફ કરવાના વર્ષે 30 કરોડ રૂપિયા મળશે, પરંતુ દુનિયામાં ઘણા લોકો આ નોકરી કરવા ઈચ્છતા નથી.
Pharos Lighthouse Guard Job: કલ્પના કરો, કરોડો રૂપિયાનો વાર્ષિક પગાર, નગણ્ય કામના કલાકો અને કોઈ બોસ નથી. આવું સુખ સ્વર્ગ પ્રાપ્તિથી ઓછું નથી, ખરું ને? પણ જો આપણે એમ કહીએ કે આ નોકરીમાં તમારે સાવ એકલા રહેવું પડશે, તો શું તમે આવી નોકરી કરવા તૈયાર થશો?
વાસ્તવમાં, અમે ઇજિપ્તના એલેક્ઝાન્ડ્રિયા બંદરમાં સ્થિત ફારોસ લાઇટહાઉસના કીપરની નોકરી વિશે વાત કરી રહ્યા છીએ. આ વિશ્વનું પ્રથમ દીવાદાંડી હતું અને તેને એન્જિનિયરિંગનું અદ્ભુત ઉદાહરણ માનવામાં આવે છે.
માત્ર લાઇટ શરૂ કરવાના મળે છે કરોડો રૂપિયા
આ લાઉટહાઇસના ગર્ડંનું એકમાત્ર કામ છે કે તે એ ધ્યાન રાખે કે ત્યાં લાઇટ હંમેશા ચાલુ રહે. દિવસ હોય કે રાત, તેણે માત્ર આટલું કરવાનું છે. તે ઈચ્છે તો સૂવે, ભોજન કરે કે સમુદ્રના નજારાની મજા માણે, પરંતુ લાઇટ બંધ ન થવી જોઈએ. તેના બદલે તમને 30 કરોડ રૂપિયાનો પગાર આપવામાં આવે છે, તેમ છતાં મોટા ભાગના લોકો આ નોકરી કરવા ઈચ્છતા નથી.
જીવ જવાનો રહે છે ખતરો
પરંતુ શું તમે જાણો છો કે આ નોકરીને વિશ્વની સૌથી મુશ્કેલ નોકરી કેમ માનવામાં આવે છે? કારણ કે અહીં વ્યક્તિએ માત્ર એકલા રહેવાનું હોય છે. સમુદ્રની વચ્ચે આ લાઇટહાઉસ સ્થિત છે. ન કોઈ વાત કરનારૂ હોય છે, ન કોઈ મિત્ર. ઘણીવાર તો સમુદ્રી તોફાન એટલા ભયંકર આવે છે કે લાઇટહાઉસ સંપૂર્ણ રીતે પાણીમાં ડૂબી જાય છે. તેવામાં કીપરના જીવને પણ ખતરો રહે છે.
આ પણ વાંચોઃ દુનિયામાં કઈ નોકરીનો સૌથી અઘરો ઇન્ટરવ્યુ છે? પગાર જાણશો તો પગ નીચેથી જમીન સરકી જશે
કેમ આટલું જરૂરી છે આ લાઇટહાઉસ?
હવે સવાલ તે ઉઠે છે કે આખરે આ લાઇટહાઉસને બચાવવાની આટલી જરૂર કેમ છે? વાસ્તવમાં, પહેલાના સમયમાં સમુદ્રમાં ઘણા ખડકો હતા, જે વહાણો માટે ખૂબ જોખમી હતા. આ ખડકો અંધારામાં દેખાતા ન હતા અને ઘણા જહાજો તેમની સાથે અથડાઈને ડૂબી ગયા હતા. આ સમસ્યાને દૂર કરવા માટે આ દીવાદાંડી બનાવવામાં આવી હતી. તેનો પ્રકાશ દૂર-દૂર સુધી દેખાતો હતો અને વહાણોને જોખમથી સુરક્ષિત રાખતો હતો.
એન્જિનિયરિંગનો એક ચમત્કાર
ફારોસ લાઇટહાઉસને બનાવવામાં ઘણા વર્ષ લાગ્યા હતા. તેને બનાવવા માટે લાકડી, પથ્થર અને ધાતુનો ઉપયોગ કરવામાં આવ્યો હતો. લાઇટહાઉસની અંદર એક મોટી આગ પ્રગટાવવામાં આવતી હતી અને લેન્સની મદદથી આ આગના પ્રકાશને દૂર-દૂર સુધી ફેલાવવામાં આવતો હતો.