Pakistan: ક્વેટા યુનિટી ચોક પાસે મોટો વિસ્ફોટ, 2 પોલીસકર્મીઓના મોત, 13 ઘાયલ

ક્વેટા: પાકિસ્તાનના બલૂચિસ્તાનની રાજધાની ક્વેટામાં થયેલા વિસ્ફોટમાં ઓછામાં ઓછા બે પોલીસકર્મીઓના મોત થયા છે. કહેવાય છે કે આ વિસ્ફોટ ક્વેટાની પ્રસિદ્ધ સેરેના હોટલ પાસે થયો છે. આ ધડાકામાં 13 લોકો ઘાયલ પણ થયા છે. પોલીસના જણાવ્યાં મુજબ યુનિટી ચોક પાસે એક પોલીસ મોબાઈલને નિશાન બનાવીને કરાયેલા વિસ્ફોટમાં ઓછામાં ઓછા 13 લોકો ઘાયલ થયા છે. 

બિલાવલ ભુટ્ટોએ ઈમરાન ખાન સરકાર પર સાધ્યું નિશાન
બીજી બાજુ PPP ના ચેરમેન બિલાવલ ભુટ્ટોએ પાકિસ્તાનની ઈમરાન ખાન સરકાર પર નિશાન સાધતા ટ્વીટ કરી કે પાકિસ્તાન સરકાર આતંકીઓને ખુશ કરવાનું બંધ કરે અને આતંકને રોકવા માટે National action plan પર ગંભીરતાથી કામ કરે.