પનમુનજોમ: અમેરિકાના રાષ્ટ્રપતિ ડોનાલ્ડ ટ્રમ્પે ઉત્તર કોરિયાની જમીન પર પહેલીવાર પગ મૂક્યો. પૂર્વ દુશ્મન દેશની ધરતી પર પહોંચનારા તેઓ પહેલા વર્તમાન રાષ્ટ્રપતિ છે. આ ઐતિહાસિક ક્ષણમાં ટ્રમ્પે અસૈન્યકૃત ક્ષેત્રમાં ઉત્તર અને દક્ષિણ કોરિયાના ભગલા પાડનારી કોંક્રીટની સરહદને પાર કરીને ઉત્તર કોરિયાના વિસ્તારમાં પગ મૂક્યો. વ્હાઈટ હાઉસના જણાવ્યાં મુજબ અમેરિકાના રાષ્ટ્રપતિ ડોનાલ્ડ ટ્રમ્પ આજે કોરિયાઈ પ્રાયદ્વીપના ભાગલા પાડતા અસૈન્યકૃત વિસ્તાર પહોંચ્યા હતાં અહીં તેમણે ઉત્તર કોરિયાઈ નેતા કિમ જોંગ ઉન સાથે મુલાકાત કરી. 


ટ્રમ્પે શનિવારે આ અંગેની જાણકારી આપી હતી. અમેરિકી રાષ્ટ્રપતિ અને કિમ કોરિયાઈ પ્રાયદ્વીપમાં પરમાણુ નિરસ્ત્રીકરણ મામલે બેવાર શિખર વાર્તા કરી ચૂક્યા છે. હનોઈમાં ફેબ્રુઆરીમાં થયેલી શિખર વાર્તા બાદ બંને પહેલીવાર મળ્યા હતાં. સૌપ્રથમવાર તેઓ ગત વર્ષે સિંગાપુરમાં મળ્યાં હતાં. 


વિશ્વના વધુ સમાચારો વાંચવા માટે કરો ક્લિક...