રશિયાએ શાંતિ વાર્તાનો આપ્યો પ્રસ્તાવ, યૂક્રેને કહ્યું- બેલારૂસમાં વાતચીત કરીશું નહી

કિવ: યુક્રેનના રાષ્ટ્રપતિએ કહ્યું છે કે તેમનો દેશ રશિયા સાથે શાંતિ વાર્તા કરવા તૈયાર છે, પરંતુ બેલારુસમાં નહીં, જે મોસ્કોના ત્રણ દિવસના હુમલા માટે ગ્રાઉન્ડ સપોર્ટ આપી રહ્યું છે.

બેલારુસમાં મંત્રણા કરશે નહીં યુક્રેન
રાષ્ટ્રપતિ વોલોદિમીર ઝેલેન્સકીએ રવિવારે એક વીડિયો સંદેશમાં વૈકલ્પિક સ્થળો તરીકે વારસો, બ્રાતિસ્લાવા, ઈસ્તાંબુલ, બુડાપેસ્ટ અથવા બાકૂનું નામ લીધું. તેમણે કહ્યું કે અન્ય સ્થળોએ વાતચીત થઈ શકે છે પરંતુ સ્પષ્ટતા કરી કે યુક્રેન બેલારુસમાં મંત્રણા કરશે નહીં.

રશિયન પ્રતિનિધિમંડળ પહોંચ્યું બેલારુસ
ક્રેમલિને રવિવારે જણાવ્યું હતું કે યુક્રેનિયન અધિકારીઓ સાથે વાટાઘાટો કરવા માટે એક પ્રતિનિધિમંડળ બેલારુસના હોમેલ શહેર પહોંચ્યું હતું. ક્રેમલિનના પ્રવક્તા દિમિત્રી પેસ્કોવે જણાવ્યું હતું કે પ્રતિનિધિમંડળમાં લશ્કરી અધિકારીઓ અને રાજદ્વારીઓનો સમાવેશ થાય છે.

યુક્રેન પર સતત હુમલો કરી રહી છે રશિયન સેના
તેમણે કહ્યું કે 'રશિયન પ્રતિનિધિમંડળ વાતચીત માટે તૈયાર છે અને અમે યુક્રેનના સત્તાવાળાઓની રાહ જોઈ રહ્યા છીએ. તમને જણાવી દઇએ કે ગુરૂવારે યૂક્રેન પર હુમલો કરી દીધો અને તેની સેના ઉત્તરમાં મોસ્કોની સહયોગી બેલારૂસની તરફ આગળ વધી રહી છે. 

(ઇનપુટ ભાષા)