Russia-Ukraine War Live Update: કીવ પર કબજાની જંગ થઇ તેજ, રશિયન સેનાની એન્ટ્રી બાદ અંડરગ્રાઉન્ડ થઇ રહ્યા છે લોકો

Ukraine Russia war Live Updates: આજે ત્રીજા દિવસે પણ યૂક્રેન અને રશિયા વચ્ચે યુદ્ધ ચાલુ છે. આ દરમિયાન સમાચાર છે કે રશિયાની સેના રાજધાની કીવમાં દાખલ થઇ ગઇ છે. યૂક્રેનના રાષ્ટ્રપતિ વલોદિમિર જેલેન્સ્કીએ વીડિયો જાહેર કરીને કહ્યું કે આગામી કલાકોમાં રશિયા યૂક્રેનની રાજધાની કીવ પર કબજો કરી શકે છે. આ આ દરમિયાન યૂરોપીય સંઘ અને અમેરિકાએ રશિયા પર લાંબા સમય સુધી પ્રતિબંધ લગાવવાની વાત કહી છે. લગ્ઝમબર્ગના વિદેશ મંત્રી જીન એસેલબોર્નએ દાવો કર્યો કે રશિયાના રાષ્ટ્રપતિ વ્લાદિમીર પુતિન અને વિદેશ મંત્રી સર્ગેઇ લાવરોવની સંપત્તિઓ જલદી જપ્ત થઇ શકે છે. 27 દેશોવાળા યૂરોપીય સંઘ આ સંબંધમાં સહમતિ સાથે એકદમ નજીક છે. 

રશિયા-યુક્રેન યુદ્ધ લાઇવ અપટેડ

કિવમાં સંઘર્ષ તેજ
સતત ત્રણ દિવસથી ચાલી રહેલા આ યુદ્ધમાં રશિયન સૈનિકો શનિવારે યુક્રેનની રાજધાની કિવમાં રાતભર વિસ્ફોટો અને શેરીઓમાં હંગામો કર્યા બાદ ઘૂસી ગયા હતા અને સંઘર્ષ હવે ઉગ્ર બન્યો છે. તો બીજી તરફ સંઘર્ષ વધતા યુક્રેનના નાગરિકો હવે ભૂગર્ભ આશ્રયસ્થાનો શોધી રહ્યા છે.

યુક્રેનથી ભારત પરત આવેલા 219 લોકોને મળવા માટે કેન્દ્રીય મંત્રી પીયૂષ ગોયલ પોતે એરપોર્ટ પહોંચ્યા હતા. આ વિદ્યાર્થીઓને ઓપરેશન ગંગા હેઠળ ભારત પરત લાવવામાં આવ્યા છે. યુક્રેનથી ભારત પરત ફરેલા વિદ્યાર્થીઓએ ભારત સરકારનો આભાર વ્યક્ત કર્યો છે.