Ukraine-Russia War: પુતિન પર હવે પર્સનલ એટેકની થઈ રહી છે તૈયારી, EU દુ:ખતી નસ પર મૂકશે હાથ!

Ukraine-Russia War: રશિયા અને યુક્રેન વચ્ચેના યુદ્ધનો હજુ અંત આવ્યો નથી અને દિન પ્રતિદિન સ્થિતિ વધુ કથળી રહી છે. હવે એવા સમાચાર આવી રહ્યા છે કે રશિયાના રાષ્ટ્રપતિ વ્લાદિમિર પુતિનની કથિત પ્રેમિકા અલીના કાબેવાને પણ યુક્રેન પર રશિયાના એટેકના વિરોધમાં યુરોપીયન યુનિયનના પ્રતિબંધોના છઠ્ઠા પ્રસ્તાવિત પેકેજમાં સામેલ કરાઈ છે. 

અમેરિકાની ન્યૂઝ ચેનલ CNN એ આ માહિતી બે યુરોપિયન રાજનયિક સૂત્રોના હવાલે આપી છે. જે મુજબ કાબેવાને પણ યુરોપીયન યુનિયનના પ્રસ્તાવિત પ્રતિબંધોની છઠ્ઠી યાદીમાં સામેલ કરાઈ છે. સૂત્રના જણાવ્યાં મુજબ આ સ્તરે સભ્ય રાજ્યોની ભલામણના આધારે નામોને હટાવી કે જોડી શકાય છે. જો કે હજુ સુધી યુરોપીયન યુનિયને આ ડ્રાફ્ટ પ્રસ્તાવ પર અધિકૃત રીતે સાઈન કરી નથી. રાજનયિક સૂત્રોમાંથી એક સૂત્રએ સીએનએનને જણાવ્યું છે કે હાલ ચર્ચા ચાલુ છે. તે તૈયાર માલનો ભાગ નથી, પરંતુ આપણે હજુ રાહ જોવી પડશે.