Ukraine-Russia War: બાળકોની હોસ્પિટલ પર રશિયાનો હુમલો, ઝેલેન્સ્કીએ કહ્યુ- દુનિયા ક્યાં સુધી આતંકને નજરઅંદાજ કરશે

લ્વીવઃ યુક્રેન અને રશિયા વચ્ચે 14 દિવસથી યુદ્ધ ચાલી રહ્યું છે. રશિયા સતત યુક્રેન પર હુમલા કરી રહ્યું છે. આ વચ્ચે રશિયાએ દક્ષિણ-પૂર્વી પોર્ટ શહેર મારિયુપોલમાં બાળકોની હોસ્પિટલ અને પ્રસૂતિ કેન્દ્રને નિશાન બનાવ્યું છે. બુધવારે નગર પરિષદના સોશિયલ મીડિયા એકાઉન્ટ પર એક નિવેદનમાં કહેવામાં આવ્યું કે હોસ્પિટલને ભારે ક્ષતિ થઈ છે. 

યુક્રેનના રાષ્ટ્રપતિ વોલોદિમિર ઝેલેન્સ્કીએ ટ્ટીટ કર્યુ- 'મારિયુપોલ. પ્રસૂતિ હોસ્પિટલમાં રશિયન સૈનિકોનો સીધો હુમલો. લોકો, બાળકો કાટમાળમાં દબાય રહ્યાં છે. અત્યાચાર.. દુનિયા ક્યાં સુધી આતંકને નજરઅંદાજ કરતી રહેશે? બધા આસમાન બંધ કરો! હત્યાઓ બંધ કરો! તમારી પાસે શક્તિ છે પરંતુ એવું લાગે છે કે તમે માનવતા ખોઈ રહ્યાં છો.'