વાર્ષિક 9 કરોડથી વધુ છે પગાર, સેન્ડવિચની ચોરી કરી તો નોકરી ગુમાવવી પડી

નવી દિલ્હી: આપણા ત્યાં ઇજ્જત સૌથી મોટી વસ્તુ માનવામાં આવે છે. અહીં લોકો ભલે હજાર રૂપિયાના પગારમાં કામ કરતા હોય પરંતુ નાની-મોટી ચોરીના નામ પર બદનામી ક્યારેય ઇચ્છતા નથી. પરંતુ ઇગ્લેંડમાં એક અનોખો કિસ્સો સામે આવ્યો છે જે તમને હેરાન કરી દેશે. તાજેતરમાં જ કરોડો રૂપિયાનો પગાર કમાવનાર એક અધિકારીને માત્ર 100 રૂપિયાની સેન્ડવિચ ચોરીના લીધે નોકરીમાંથી કાઢી નાખવામાં આવ્યો છે. મામલો ઇગ્લેંડની સિટી બેન્કનો છે. અહીં કામ કરનાર એક ભારતીય મૂળના બેન્કર પારસ શાહને તાજેતરમાં જ સેન્ડવીચની ચોરીના આરોપમાં કરોડાના પગારવાળી નોકરી ગુમાવવાનો વારો આવ્યો છે. 

મીડિયા રિપોર્ટ્સના અનુસાર સિટી બેન્કમાં કાર્યરત પારસ શાહ એકસમયે અહીં મહત્વના પદ પર હતા. આરોપી પાસે બેન્કના રિસ્ક મેનેજમેન્ટથી માંડીને ઘણી મોટી જવાબદારીઓ હતી. પારસ શાહની વાર્ષિક સેલરી 1 મિલિયન પાઉન્ડ (લગભગ 10 કરોડ રૂપિયા)ની આસપાસ હોવાની કહેવામાં આવી રહ્યું છે. પારસ શાહ પર આરોપ છે કે આ ગત કેટલાક સમયથી સ્ટાફ કેન્ટીનમાં પૈસા આપ્યા વિના સ્ટાફ કેન્ટીનમાં ચૂકવણી કર્યા વિના સેન્ડવીચ પર હાથ સાફ કરી દેતો હતો. ફરિયાદ મળ્યા બાદ બેન્કે આ અધિકારીને ઇંક્રીમેન્ટ પહેલાં નોકરીમાંથી કાઢી મુકવામાં આવ્યો છે. 

પ્રાપ્ત માહિતી અનુસાર પારસ શાહે પોતાની રજાઓમાં કોઇ વિદેશી યાત્રાઓ જતો હતો. સોશિયલ મીડિયા પ્રોફાઇલ અનુસાર આ અમીર બેન્કર તાજેતરમાં જ જોર્ડર અને પેરૂ જેવા દેશોમાં રજાઓ માણી પરત ફર્યો હતો. પોતાની મોજ મસ્તી અને સેર સપાટા માટે પારસ શાહ લાખો રૂપિયા ખર્ચ કરતો હતો. ઇગ્લેંડના પ્રતિષ્ઠિત યૂનિવર્સિટીસમાં ભણેણા પારસ શાહે લગભગ સાત વર્ષ સુધી આંતરરાષ્ટ્રીય એચએસબીસી બેન્કમાં પણ કામ કર્યું છે. 

આ પહેલાં 2016માં જાપાનના મીજૂહો બેન્કે લંડનમાં પોતાના એક અધિકારીને ફક્ત તે માટે નોકરીમાંથી કાઢી મુકવામાં આવ્યો હતો કારણ કે તેણે પોતાના સહકર્મીની બાઇકમાંથી માત્ર 5 પાઉન્ડ (463 રૂપિયા)નો પાર્ટ ચોર્યો હતો. આ ઉપરાંત 2014માં મોટી નાણાકીય સંસ્થા જોનાથન બુરૌસ નામની કંપનીમાં એક સીનિયર એક્ઝિક્યૂટિવને ટ્રેનની મામૂલી ટિકીટ ન ખરીદવાના આરોપમાં નોકરી ગુમાવવી પડી.