સૂજેલી આંખ લઈને આવેલી મહિલાનું ચેક અપ કરતા ડોક્ટરોના હાજા ગગડી ગયા, જુઓ VIDEO

નવી દિલ્હી: તાઈવાનમાં એક હચમચાવી નાખે તેવી ઘટના સામે આવી છે. ડોક્ટરોએ એક મહિલાની આંખમાંથી ચાર જીવિત મધમાખીને બહાર કાઢી છે. આ સમગ્ર મામલે ડોક્ટરોનું કહેવું છે કે આવો આ સૌપ્રથમ મામલો છે કે જેમાં જીવિત મધમાખી કોઈ વ્યક્તિની આંખની અંદર હતી. હકીકતમાં પીડિતાની આંખ પર સોજો આવી ગયા બાદ તે હોસ્પિટલ પહોંચી હતી. હોસ્પિટલમાં ડોક્ટરોએ ચેક અપ દરમિયાન જોયું કે મહિલાની આંખની અંદર ચાર મધમાખીઓ હતી. આ મધમાખી આંસુ પીને જીવિત રહી હતી. મહિલાના સદભાગ્યે ડોક્ટરો આ મધમાખી તેની આંખમાંથી કાઢવામાં સફળ રહ્યાં હતાં.