આ છે દુનિયાના ટોપ 10 સૌથી શાનદાર શહેર, કેમ ભારતના શહેરોનું નથી યાદીમાં સ્થાન? જાણો પહેલાં નંબરે કોણ છે

These are world's top 10 most loved cities: વર્લ્ડ ટ્રાવેલ એન્ડ ટુરિઝમ કાઉન્સિલે 10 દેશોના નામવાળી આ યાદી બહાર પાડી છે. આમાં 2022ના ડેટાના આધારે સૌથી લોકપ્રિય શહેરોના નામ સામેલ કરવામાં આવ્યા છે. આ એવી જગ્યાઓ છે જ્યાં પર્યટકો સારી એવી રકમ ખર્ચીને પહોંચી જાય છે. આ યાદીમાં પહેલું નામ પેરિસનું છે. 

બીજિંગ- આ લિસ્ટમાં બીજું નામ ચીનની રાજધાની બીજિંગનું છે. કોરોના વાયરસના પ્રકોપનો સામનો કરી રહેલા ચીન માટે એ પણ રાહતની વાત છે કે લોકો હજુ પણ ત્યાં ફરવા માટે તૈયાર છે.

ઓર્લેન્ડો- વર્લ્ડ ટ્રાવેલ એન્ડ ટૂરિઝમ કાઉન્સિલની યાદીમાં ત્રીજું નામ ફ્લોરિડાના ઓર્લેન્ડો શહેરનું છે. આ શહેરમાં એક ડઝનથી વધુ થીમ પાર્ક છે. ઉપરાંત, વોલ્ટ ડિઝની વર્લ્ડ પણ અહીં છે.

શાંઘાઈ- ચીનના સૌથી મોટા શહેર શાંઘાઈનું નામ આ યાદીમાં ચોથા નંબર પર છે. અહીંના ઐતિહાસિક સ્થળો પ્રવાસીઓ માટે આકર્ષણનું કેન્દ્ર બને છે.

લાસ વેગાસ - અમેરિકાના નેવાડાનું આ શહેર દુનિયાભરમાં તેની રંગીન સાંજ માટે પ્રખ્યાત છે. જુગાર, ખરીદી અને ખોરાક માટે પણ આ શહેર લોકોની પસંદ રહી છે.

ન્યુયોર્ક- અમેરિકાના સૌથી મોટા અને પ્રખ્યાત શહેર ન્યુયોર્કની મુલાકાત લેવાની દરેક વ્યક્તિને ઈચ્છા હોય છે. ગગનચુંબી ઇમારતો અને ટાઇમ્સ સ્ક્વેર જેવી વિવિધતાથી ભરેલા આ સ્થળને જોવા માટે લોકો દૂર-દૂરથી પહોંચે છે.

ટોક્યો- લોકો અલગ-અલગ જગ્યાઓથી ભરેલી જાપાનની આ રાજધાની ફરવા માગે છે. એશિયાના બીજા નંબરના સૌથી મોંઘા શહેરોમાંનું ટોકિયો પણ ખૂબ જ સુંદર છે. 

મેક્સિકો સિટી- જૂની સંસ્કૃતિના અવશેષો સાથે મક્કમતાથી ઉભેલા આ શહેરની વાર્તાઓ જાણવા માટે દુનિયાભરમાંથી પ્રવાસીઓ અહીં પહોંચે છે.

લંડન- લંડન જવાનું દરેકનું સપનું હોય છે. રાજનીતિ, શિક્ષણ, મનોરંજન, મીડિયા, ફેશન અને કારીગરીનું કેન્દ્ર ગણાતું લંડન રોયલ્ટી, રાજકારણ, કલા, વિજ્ઞાન અને સ્થાપત્યના સંબંધમાં તેના રસપ્રદ ઇતિહાસ માટે પણ જાણીતું છે.

ગુઆંગઝુ - આ યાદીમાં ત્રીજું ચીની શહેર ગુઆંગઝુ છે, જેનો દરિયાઈ વારસો 2,000 વર્ષથી વધુ જૂનો છે અને તેનું વિશાળ બંદર ચીનનું મુખ્ય પરિવહન અને વેપાર કેન્દ્ર છે.