Earthquake in Turkey: તુર્કી-સીરિયામાં ભૂકંપે તારાજી સર્જી; 760 લોકોના મોત અનેક ઘાયલ, ભારત કરશે મદદ

તુર્કીમાં સોમવારે ભૂકંપના મોટા આંચકા અનુભવાયા. રિક્ટર સ્કેલ પર તેની તીવ્રતા 7.8 નોંધવામાં આવી. ભૂકંપના કારણે દક્ષિણ-પૂર્વ તુર્કીમાં ભારે નુકસાનના સમાચાર સામે આવ્યા.અહીંયા 16 જેટલી મોટી બિલ્ડીંગ પત્તાના મહેલની જેમ ધરાશાયી થઈ ગઈ... જેમાં અત્યાર સુધી તુર્કી અને સિરીયા સહિત લેબનોન, અને ઈઝરાયેલમાં 700થી વધુ લોકોના મોત થયા છે. જોકે ભૂકંપના મોટા આંચકાના કારણે મોતના આંકડામાં વધારો થઈ શકે છે.

તુર્કીમાં આવેલા ભૂકંપના આંચકાથી પાડોશી દેશ સિરીયા પણ ધ્રૂજી ઉઠ્યો. અહીંયા પણ અનેક ઈમારતો ધરાશાયી થઈ ગઈ અત્યાર સુધીમાં ઓછામાં ઓછી 150 ઈમારતો તૂટી ગઈ છે. ભારે જાનમાલનું નુકસાન થયું છે. ભૂકંપના આંચકા તુર્કી અને સીરિયા ઉપરાંત ઈઝરાયેલ, પેલેસ્ટાઈન, સાઈપ્રસ, બેલનોન, ઈરાકમાં પણ મહેસૂસ થયા.

ભૂકંપનું કેન્દ્ર તુર્કી કાઝિયાટેપમાં હતું. જે સીરિયા બોર્ડરથી 90 કિમી દૂર છે. આવામાં સીરિયાના અનેક શહેરોમાં પણ ભૂકંપના આંચકા અનુભવાયા છે. એવું કહેવાઈ રહ્યું છે કે બોર્ડરની બંને બાજુ ભારે તબાહી થઈ છે. તુર્કીના સ્થાનિક સમય મુજબ સવારે 4.17 વાગે ભૂકંપનો આંચકો અનુભવાયો. કેન્દ્ર બિન્દુ જમીનથી 17.9 કિલોમીટર અંદ હતું. 

સતત વધી રહ્યો છે મૃત્યુઆંક
પ્રાથમિક માહિતી મુજબ તુર્કી સહિત સીરિયા, લેબનોન, ઈઝરાયેલમાં 760 લોકોના મોત થયા હોવાનું કહેવાય છે. જ્યારે 1000થી વધુ ઘાયલ છે. પરંતુ આ આંકડો વધુ હોઈ શકે છે. અલગ અલગ મીડિયા રિપોર્ટ્સમાં મૃતકોનો આંકડો અલગ અલગ દર્શાવવામાં આવી રહ્યો છે. હકીકતમાં આંકડો સતત વધી રહ્યો છે. માર્યા ગયેલા લોકોમાં મોટાભાગે માલ્ટા અને સેનલુઈફાના લોકો છે. તુર્કીના અડાના શહેરમાં મોટી મોટી ઈમારતો પત્તાની જેમ તૂટી પડી. સીરિયામાં પણ મોટા પાયે જાનહાનિ થઈ છે. લેબનોન અને ઈઝરાયેલમાં અન્ય નુકસાન અંગે માહિતી નથી. 

તુર્કીમાં કયા મહિનામાં ભૂકંપનો સૌથી વધારે ખતરો

જાન્યુઆરી - 5 ભૂકંપ
ફેબ્રુઆરી - 7 ભૂકંપ
માર્ચ - 6 ભૂકંપ
એપ્રિલ - 5 ભૂકંપ
મે - 9 ભૂકંપ
જૂન - 5 ભૂકંપ
જુલાઈ - 8 ભૂકંપ
ઓગસ્ટ - 7 ભૂકંપ
સપ્ટેમ્બર - 7 ભૂકંપ
ઓક્ટોબર - 9 ભૂકંપ
નવેમ્બર - 6 ભૂકંપ
ડિસેમ્બર - 4 ભૂકંપ