Russia Ukraine War: તુર્કીના રાષ્ટ્રપતિએ પુતિનને કરી યુદ્ધ રોકવાની અપીલ, રશિયાએ રાખી આ શરતો

Russia Ukraine War: રશિયા અને યુક્રેન વચ્ચે ચાલી રહેલા ભીષણ યુદ્ધનું શું પરિણામ આવશે. તેના વિશે વિચારીને આખી દુનિયા ડરી ગઈ છે. આ દરમિયાન યુદ્ધના 11મા દિવસે તુર્કીના રાષ્ટ્રપતિ Recep Tayyip Erdogan ને રવિવારે રશિયન રાષ્ટ્રપતિ વ્લાદિમીર પુતિન સાથે ફોન પર વાત કરી હતી.

એર્દોઆને પુતિન સાથે 1 કલાક સુધી કરી વાતચીત
તુર્કીના રાષ્ટ્રપતિ કાર્યાલય અનુસાર રશિયન રાષ્ટ્રપતિ સાથેની વાતચીતમાં એર્દોઆને તાત્કાલિક યુદ્ધવિરામની અપીલ કરી હતી. લગભગ એક કલાક સુધી ચાલેલા ફોન કોલમાં એર્દોઆને કહ્યું કે યુક્રેનમાં માનવીય સંકટને જોતા રશિયાએ થોડા સમય માટે યુદ્ધ બંધ કરવું જોઈએ. એર્દોઆને અપીલ કરી હતી કે સંઘર્ષના ઉકેલ માટે યુદ્ધને બદલે રાજકીય ઉકેલ શોધવો જોઈએ.

માનવતાવાદી કોરિડોર બનાવવા પર મૂક્યો ભાર
Recep Tayyip Erdogan ને કહ્યું કે યુદ્ધથી પ્રભાવિત લોકોના સુરક્ષિત સ્થળાંતર માટે માનવતાવાદી કોરિડોર બનાવવાની જરૂર છે. આ સાથે રશિયા અને યુક્રેન વચ્ચે યુદ્ધ રોકવા માટે શાંતિ સમજૂતી પણ થવી જોઈએ.

મધ્યસ્થી બનવાની કરી ઓફર
તુર્કીના રશિયા અને યુક્રેન બંને સાથે સારા સંબંધો છે. યુદ્ધ સમયની આ પરિસ્થિતિમાં તે મધ્યસ્થી બનીને શાંતિ સ્થાપવાનો શ્રેય લેવા માંગે છે. તેમણે બંને દેશોના પ્રતિનિધિઓને આવતા અઠવાડિયે વાતચીત માટે આમંત્રણ આપ્યું છે. વાતચીત દરમિયાન એર્દોઆને પુતિનને કહ્યું કે તેઓ આ સંકટને સમાપ્ત કરવા માટે તેમની તરફથી તમામ શક્ય મદદ આપવા તૈયાર છે.