Breaking News: કોર્ટે સજા સંભળાવી તો સુપરમેનની જેમ ઉડીને જજ પર ઝટપી પડ્યો આરોપી, Video Viral

Judge Attacked by Defendant in Courtroom Video: ક્યારેય નહીં જોઈ હોય એવી ઘટના આજે કોર્ટમાં બની. જ્યાં એક જજે આરોપીને સજા સંભળાવી અને પછી જે બન્યુ એ આખી દુનિયામાં થઈ રહ્યું છે વાયુવેગે વાયરલ. પછી જે ઘટના બની છે તેનો વીડિયો એટલો બધો વાયરલ થઈ રહ્યો છેકે, ગણતરીની ક્ષણોમાં જ એ વીડિયો દુનિયાના વિવિધ દેશોના લોકો સુધી પહોંચી ગયો છે. બન્યુ એવું કે એક કેસની સુનાવણી કોર્ટરૂમમાં ચાલી રહી હતી. વાદી, પ્રતિવાદી, બન્ને પક્ષના વકીલો, ત્યાં હાજર લોકો, પોલીસ બધા હજાર હતા. આ બધાની હાજરીમાં જ્યારે જજે આરોપીને જેલની સજા સંભળાવી ત્યારે તેણે કોર્ટરૂમમાં જ જજ પર હુમલો કર્યો હતો.

કોર્ટરૂમમાં પ્રતિવાદી દ્વારા જજ પર હુમલો: સોશિયલ મીડિયા પર એક વીડિયો વાયરલ થઈ રહ્યો છે જેમાં એક આરોપીએ સુનાવણી દરમિયાન કોર્ટરૂમમાં જજ પર હુમલો કર્યો. વીડિયોમાં જોઈ શકાય છે કે સુનાવણી માટે પહોંચેલા આરોપી કૂદીને જજ પાસે પહોંચ્યો હતો. આ હુમલામાં જજ પણ ઘાયલ થયા હતા. હુમલા બાદ કોર્ટરૂમમાં નાસભાગ મચી ગઈ હતી.

આ ઘટના અમેરિકાના લાસ વેગાસમાં બની હતી. જ્યાં સુનાવણી દરમિયાન આરોપી જજ પર ઝંપલાવ્યો હતો. ન્યાયાધીશ તેની ખુરશી સાથે નીચે પડી ગયા અને તેને ઈજા થઈ. એટલું જ નહીં, એવું કહેવામાં આવી રહ્યું છે કે આરોપીએ જજ પર મુઠ્ઠીથી હુમલો પણ કર્યો. વીડિયોમાં જોઈ શકાય છે કે હુમલા પાછળના ઝંડા પડી ગયા અને એક સુરક્ષાકર્મી પણ ઘાયલ થયો.

આરોપીને આવતો જોઈને જજે ત્યાંથી ભાગવાનો પ્રયાસ કર્યો પરંતુ તે ઝડપથી જજના ટેબલ પાસે ગયો અને તેના પર હુમલો કર્યો. બચાવવા માટે આગળ આવેલા એક માર્શલને પણ ઈજા થઈ હતી. બાદમાં ત્યાં હાજર અન્ય સુરક્ષાકર્મીઓએ તેની ધરપકડ કરી હતી. આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે.

પ્રાપ્ત માહિતી અનુસાર, આરોપીએ જજને તેને જેલમાં ન મોકલવા કહ્યું હતું, તેણે કહ્યું હતું કે તે બળવાખોર નથી. તે હંમેશા યોગ્ય વસ્તુ કરવાનો પ્રયાસ કરે છે, પછી ભલે તે પરિસ્થિતિ ગમે તે હોય. જોકે, જજ મેરી કે હોલ્થસે કહ્યું કે તેમના મતે આરોપીને જેલમાં જવું જોઈએ. આવી સ્થિતિમાં, જ્યારે તેને હાથકડી લગાવવાનો પ્રયાસ કરવામાં આવી રહ્યો હતો, ત્યારે તેણે જજ પર ગાળો બોલતા હુમલો કર્યો.

આરોપી દેવબ્રા ડેલોન રેડેન (30)ની ધરપકડ કરીને જેલમાં ધકેલી દેવામાં આવ્યો હતો. અગાઉ પણ આરોપી પર બેઝબોલના બેટથી એક વ્યક્તિ પર હુમલો કરવાનો આરોપ હતો. જજ પર હુમલાનો વીડિયો સોશિયલ મીડિયા પર વાયરલ થયો છે, હવે કોર્ટરૂમની સુરક્ષા પર વિચાર કરવામાં આવી રહ્યો છે જેથી આવી ઘટનાઓ ફરીથી ન બને.