વિજય માલ્યાએ ટ્વીટ કરી આપી ગણેશ ચતુર્થીની શુભેચ્છા, લોકોએ કહ્યું- આજે SBI બંધ છે

લંડનઃ દેશભરમાં ગણેશ ચતુર્થીનો તહેવાર ધામધૂમથી ઉજવવામાં આવી રહ્યો છે. લોકો સોશિયલ મીડિયા પર શુભેચ્છાઓ આપી રહ્યાં છે. આ વચ્ચે ભાગેડૂ વિજય  માલ્યાએ ગણેશ ચતુર્થી પર ટ્વીટ કર્યું. તેના આ ટ્વીટ પર યૂઝર્સ અનેક પ્રકારની પ્રતિક્રિયા આપી રહ્યાં છે. ઘણા યૂઝર્સે માલ્યાને પૈસા પરત કરવાની માંગ પણ કરી છે. 

હકીકતમાં વિજય માલ્યા હજારો કરોડ રૂપિયાના કૌભાંડના મામલામાં ભારતમાં વોન્ટેડ છે. સરકાર માલ્યાને પરત લાવવાનો પ્રયાસ કરી રહી છે. તેવામાં જ્યારે માલ્યાએ ટ્વીટ કર્યું તો સોશિયલ  મીડિયા યૂઝર્સ તેની પાસે પૈસા પરત આપવાની માંગ કરવા લાગ્યા હતા. 

'ઘર આ જા પરદેસી, તેરા દેશ બુલાએ'
નોંધનીય છે કે માલ્યાએ 31 ઓગસ્ટે બપોરે ગણેશ ચતુર્થીની શુભેચ્છા આપતું ટ્વીટ કર્યું. થોડા સમયમાં તેનું ટ્વીટ વાયરલ થઈ ગયું. કોઈએ તેને દેશમાં પરત આવવા તો કોઈએ બેન્કના પૈસા લૂંટવાની વાત કહી.