Most Expensive Fruit:શું તમે વિશ્વનું સૌથી મોંઘું ફળ ખાધું છે? કિંમત એટલી કે એક લક્ઝુરીયસ કાર આવી જાય

Japanese Yubari King Most Expensive Melon: ઉનાળો આવી ગયો છે અને મોસમનું તાપમાન ઝડપથી વધવાનું શરૂ થયું છે. આ સાથે બજારમાં તરબૂચ અને શેરડીના રસની માંગ પણ વધવા લાગી છે. ભારતની વાત કરીએ તો તમને 20-30 રૂપિયા પ્રતિ કિલોમાં સરળતાથી તરબૂચ મળી જશે. પરંતુ જો તમને કહેવામાં આવે કે આ તરબૂચ એક જગ્યાએ લાખો રૂપિયા પ્રતિ કિલોના ભાવે વેચાય છે, તો શું તમે તેને ખાવાની હિંમત શકશો? આ તરબૂચ કેવી રીતે છે અને તે આટલું મોંઘું કેમ વેચાય છે. આજે અમે તેના વિશે વિગતવાર જણાવીશું.

આ જગ્યાએ ઉગાડવામાં આવે છે જાપાની તરબૂચ 
આજે આપણે જે તરબૂચ વિશે વાત કરી રહ્યા છીએ તે વિશ્વનું સૌથી મોંઘું ફળ પણ માનવામાં આવે છે. આ તરબૂચનું નામ યુબારી કિંગ છે અને તે જાપાનના હોક્કાઇડો ટાપુમાં ઉગાડવામાં આવે છે. ફળમાં હળવી સુગંધ, ઓછા બીજ અને મીઠો સ્વાદ હોય છે. આ ત્રણ વિશેષતાઓને કારણે, તે હજારો ડોલરમાં વેચાય છે.

વિશ્વનું સૌથી મોંઘુ ફળ
ખૂબ જ ઓછી માત્રામાં ઉગાડવાને કારણે અને માંગ ખૂબ જ વધારે હોવાથી તે વિશ્વનું સૌથી મોંઘું ફળ બની જાય છે. વર્ષ 2019માં બહાર પડેલા ટેસ્ટ એટલાસના રિપોર્ટ અનુસાર, તે સમયે 2 જાપાની તરબૂચ યુબારી કિંગ US $ 42450 એટલે કે લગભગ 34 લાખ રૂપિયામાં વેચાયા હતા. જેને વિશ્વનું સૌથી મોંઘુ ફળ કહેવામાં આવ્યું હતું.

આ પણ વાંચો:
શું હવે ખરેખર કમોસમી વરસાદે વિદાય લીધી? જાણી લો આગામી 10 દિવસનું અપડેટ
રાશિફળ 11 એપ્રિલ: આ રાશિઓનું ભવિષ્ય ચમકશે, મહત્ત્વપૂર્ણ ડીલ થવાની શક્યતા
ગ્રહોના રાજા સૂર્ય 14 એપ્રિલના કરી રહ્યા છે ગોચર, આ 5 રાશિઓના ખૂલી જશે સુતેલું ભાગ્ય

રોગપ્રતિકારક શક્તિ વધારવાનો રામબાણ 
આ જાપાનીઝ તરબૂચને મોંઘા બનાવવાની બીજી ઘણી વિશેષતાઓ છે, જેના વિશે તમારે જાણવું જોઈએ. આ ફળમાં વિટામીન A, S, પોટેશિયમ, કેલ્શિયમ, ફોસ્ફરસ સહિતના ઘણા ખનિજો મળી આવે છે. આ એક એન્ટી-ઈન્ફેક્શન ફ્રુટ છે એટલે કે તેના સેવનથી ઘણી બીમારીઓથી બચી શકાય છે. આ ખાવાથી રોગપ્રતિકારક શક્તિ મજબૂત બને છે. 

ઉત્પાદન માટે ટેકનોલોજી

જાપાની તરબૂચ યુબારી કિંગ દર વર્ષે ઓક્ટોબરથી માર્ચ દરમિયાન ઉત્પન્ન થાય છે. તેને ઉગાડવા માટે ખાસ ટેકનિકનો ઉપયોગ કરવામાં આવે છે. તેના ઉત્પાદન માટે, ફળના કદ, તેમાં રસ અને મીઠાશની માત્રાને નિયંત્રિત કરવા પર વધુ ધ્યાન આપવામાં આવે છે. આ તરબૂચના ઉત્પાદનમાં ખાસ ખાતરોનો ઉપયોગ કરવામાં આવે છે, જેના કારણે તેમની મીઠાશ વધે છે. આ તરબૂચની મોંઘી કિંમતને કારણે, વિશ્વના માત્ર થોડા સમૃદ્ધ ગ્રાહકો જ તેમને ખરીદવાની હિંમત કરી શકે છે.