દુનિયાની અનોખી મહિલા કે જેના શરીરમાંથી સતત નીકળ્યા કરે છે દારૂ, ડોક્ટરો પણ સ્તબ્ધ

નવી દિલ્હી: રશિયાના પિટ્સબર્ગથી એક ચોંકાવનારો રિપોર્ટ આવ્યો છે જેમાં એક ડોક્ટરે એક એવી મહિલાની જાણકારી આપી છે જેનો યુરિન (મૂત્ર) દારૂ જેવો છે. ડોક્ટરના જણાવ્યાં મુજબ આ એક અસાધારણ ચિકિત્સકીય દશા છે જ્યાં યીસ્ટના ફોર્મેન્શનથી મહિલાના બ્લેડરમાં આપોઆપ દારૂ બને છે. 

યુરિનરી ઓટો-બ્રેવરી સિન્ડ્રોમ
જે ડોક્ટરોએ આ મહિલાનું ચેક અપ કર્યું અને તેમનો ઉપચાર કરી રહ્યાં છે તેમણે જ આ રિપોર્ટ આપ્યો છે. જે મુજબ આ એક દુર્લભ ચિકિત્સા સ્થિતિ છે પરંતુ તેના લક્ષ્ણો પહેલા ધ્યાનમાં આવ્યાં નહીં. તેમણે કહ્યું કે અલગ અલગ સંસ્થાનોમાં લીવર ટ્રાન્સપ્લાન્ટ ટીમના અનુભવોના આધારે કહી શકાય કે આ એક યુરિનરી ઓટો બ્રેવરી સેન્ડ્રોમ હોઈ શકે છે. આ સિન્ડ્રોમમાં જો તમે ફક્ત કાર્બોહાઈડ્રેટ જ ભોજનમાં લેતા હશો તો તમારા શરીરમાં દારૂ બનવાનું શરૂ થઈ જાય છે.