તબાહી લઈને આવી રહ્યું છે વર્ષ 2023? 500 વર્ષ પહેલા નોસ્ટ્રાડેમસે કરી દીધી હતી ડરામણી ભવિષ્યવાણી

નવી દિલ્હીઃ scary predictions for year 2023: ફ્રાન્સના જ્યોતિષી નોસ્ટ્રાડેમસે આવનારા વર્ષ 2023 માટે 500 વર્ષ અગાઉ ભવિષ્યવાણી કરી હતી. તેમના મતે 2023નું ભવિષ્ય અંધકારમય છે. 2023 માટે ફ્રેન્ચ જ્યોતિષની આગાહીઓ પરેશાન કરનાર છે. નોસ્ટ્રાડેમસે 1555માં તેમનું પુસ્તક લેસ પ્રોફેસીસ પ્રકાશિત કર્યું હતું. આ પુસ્તકમાં 942 આગાહીઓ છે. આમાંથી કેટલીક ઘટનાઓ ખૂબ જ ભયાનક છે.

2023 માટે ડરામણી આગાહીઓ
ઘણીવાર એવું થયું છે જ્યારે તેમની આગાહીઓ વાસ્તવિકતાની ખૂબ નજીક આવી હતી, જેમાં લંડનની ગ્રેટ ફાયર, હિટલરના આતંકનું શાસન અને 11 સપ્ટેમ્બર જેવી ઘટનાઓનો સમાવેશ થાય છે. એવું વ્યાપકપણે માનવામાં આવે છે કે નોસ્ટ્રાડેમસે જ્હોન એફ. કેનેડીની હત્યા અને ફ્રેન્ચ ક્રાંતિ બંનેની આગાહી કરી હતી. ધ મિરર પ્રમાણે નોસ્ટ્રાડેમસની કેટલીક આગાહીઓ છે જે 2023માં સાચી પડી શકે છે. નોસ્ટ્રાડેમસે આગાહી કરી હતી કે જીવનનિર્વાહની સમસ્યા અને યુક્રેનમાં ચાલી રહેલા સંઘર્ષને કારણે 2022 દયનીય વર્ષ હશે. ચાલો અમે તમને જણાવીએ 2023 માટે નોસ્ટ્રાડેમસ દ્વારા કરવામાં આવેલી આગાહીઓ વિશે…

2023માં એક મોટું યુદ્ધ થશે
નોસ્ટ્રાડેમસે 2023માં મોટા યુદ્ધની આગાહી કરી છે. યુક્રેન અને રશિયા વચ્ચેની વર્તમાન કટોકટી આવતા વર્ષે ત્રીજા વિશ્વયુદ્ધમાં પરિણમી શકે છે. આવી સ્થિતિમાં નોસ્ટ્રાડેમસની આ ભવિષ્યવાણી સાચી સાબિત થતી જોવા મળી રહી છે. ભવિષ્યવાણીમાં એમ પણ કહેવામાં આવ્યું છે કે WW3 ના કિસ્સામાં ફ્રેન્ચ શહેર રુએન સુરક્ષિત રહેશે, એટલે કે પેરિસ જોખમમાં હોઈ શકે છે.

આ પણ વાંચોઃ Pakistan Army Chief બનતા જ મુનીરે શેખી મારી, કહ્યુ ભારત સાથે યુદ્ધ માટે તૈયાર છે પાક

સ્વર્ગમાંથી આગ વરસશે
નોસ્ટ્રાડેમસે તેમના અન્ય લેખમાં 'શાહી ભવન પર આકાશી આગ'ની આગાહી કરી છે. આ આગાહી ખૂબ જ અશુભ છે. જાણકાર તેને પ્રલયનો દિવસ અથવા સમયના અંત તરીકે જુએ છે. આવા અશુભ સંકેતનો ઉલ્લેખ બાઈબલમાં પણ જોવા મળે છે. તેને ઈતિહાસના અંતની નિશાની માનવામાં આવે છે.

મંગળ પર ઉતરાણ
નોસ્ટ્રાડેમસે પણ પોતાની ભવિષ્યવાણીમાં એવો સંકેત આપ્યો છે કે મનુષ્ય મંગળ પર જશે. આને મંગળ પર જવાના અને ત્યાં જીવનની શોધમાં સફળતા પ્રાપ્ત કરવાના ક્રમમાં જોવામાં આવી રહ્યું છે. તમને જણાવી દઈએ કે સ્પેસએક્સના નિર્માતા અને તાજેતરમાં જ ટ્વિટર હસ્તગત કરનાર ઈલોન મસ્કએ લાંબા સમયથી આગાહી કરી છે કે માનવ 2029 સુધીમાં મંગળ પર પગ મૂકશે. મસ્કએ દાયકાના અંત પહેલા મંગળ પર સ્થાયી થવાની તેમની ઇચ્છા વિશે જાહેરમાં વાત કરી છે.