ଇନ୍ଦିରା ଗାନ୍ଧୀ ହେବେ ବଲିଉଡ ଅଭିନେତ୍ରୀ କଙ୍ଗନା

ନୂଆଦିଲ୍ଲୀ: ରାଜନୈତିକ ପୃଷ୍ଠଭୂମିକୁ ଆଧାର କରି ଖୁବଶୀଘ୍ର ପରଦାରେ ରିଲିଜ ହେବାକୁ ଯାଉଛି ଏକ ବଲିଉଡ ଫିଲ୍ମ । ଯେଉଁଥିରେ ଭାରତର ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତଃ ଇନ୍ଦିରାଗାନ୍ଧୀଙ୍କ ଭୂମିକାରେ ନଜର ଆସିବେ ବଲିଉଡ କ୍ୱିନ କଙ୍ଗନା ରଣାୱତ । ଏହାକୁ ନେଇ କଙ୍ଗନା ଫିଲ୍ମର ଖୁବଶୀଘ୍ର ସୁଟିଂ ହେବା ନେଇ ସୂଚନା ଦେଇଛନ୍ତି। କେବଳ ଏତିକି ନୁହେଁ ଆଗାମୀ ବାୟୋପିକରେ ବଲିଉଡର ବହୁ ନାମୀଦାମୀ କଳାକାର ପରଦାରେ ନଜର ଆସିବେ ।

ବଲିଉଡ କ୍ୱିନ(Bollywood Queen) କଙ୍ଗନା ରଣାୱତ (Kangana Ranaut) କହିଛନ୍ତି ଯେ, ଏହି ପ୍ରୋଜେକ୍ଟରେ ଆମେ ସମସ୍ତେ କାମ କରୁଛୁ । ଏବଂ ଏହି କାହାଣୀର ସ୍କ୍ରିପ୍ଟ ଏବେ ଶେଷ ପର୍ଯ୍ୟାୟରେ ପହଞ୍ଚିସାରିଛି । ହେଲେ କଙ୍ଗନା ଏକଥା  ବି କହିଛନ୍ତି ଯେ, ଏହି ଫିଲ୍ମଟି ଇନ୍ଦିରାଗାନ୍ଧୀ (Indira  Gandhi) ଙ୍କ ବାୟୋପିକ (Biopic) ନୁହେଁ । ଏହି ଫିଲ୍ମ ଐତିହାସିକ ପୃଷ୍ଠଭୂମି ଉପରେ ଆଧାରିତ । ପଲିଟିକାଲ ଡ୍ରାମା (Political Drama) ସହ ବର୍ତ୍ତମାନ ଭାରତରେ ସାମାଜିକ ଓ ରାଜନୀତି କାହାଣୀ ଉପରେ ଆଧାରିତ ହୋଇଛି । ଏହି ଫିଲ୍ମ ଜରିଆରେ ଅନେକ କିଛି ଶିକ୍ଷା ମିଳିବ ବୋଲି ସେ କହିଛନ୍ତି ।

ଅଭିନେତ୍ରୀ ଏକଥା ବି କହିଛନ୍ତି ଯେ, ଫିଲ୍ମଟି ଏକ ବହି ଉପରେ ଆଧାରିତ । ମାତ୍ର ଏହା କେଉଁ ବହି କିଏ ଲେଖିଛନ୍ତି ସେନେଇ କିଛି ବିସ୍ତୃତ ଭାବେ ସେ କହିନାହାଁନ୍ତି । ସେପଟେ ଅଭିନୟ ସହ କଙ୍ଗନା ଏ ଫିଲ୍ମର ପ୍ରଯୋଜନା ଭାର ମଧ୍ୟ ସମ୍ଭାଳିବେ । ଅନ୍ୟପଟେ ଏହି ଅଭିନେତ୍ରୀଙ୍କ ଆଗାମୀ ଫିଲ୍ମ ବିଷୟରେ ଯଦି କଥା ହେବା ତାଙ୍କ ଅଭିନୀତ "ଥଲାଇବି" (Thalaivi) ମଧ୍ୟ ରିଲିଜ ହେବାକୁ ଯାଉଛି । ସେପଟେ "ତେଜସ" (Tajas) ଓ "ଧାକ୍କଡ" (Dhaakad) ଫିଲ୍ମ ମଧ୍ୟ ଖୁବଶୀଘ୍ର ପରଦାରେ ରିଲିଜ ହେବାକୁ ଯାଉଛି ।