Jai Bhim at Oscars: ମିଳିଲା ସବୁଠାରୁ ବଡ଼ ସମ୍ମାନ, ସେଲିବ୍ରେସନ ମୁଡରେ ସୂର୍ୟ୍ୟା ଫ୍ୟାନ୍ସ

ନୂଆଦିଲ୍ଲୀ: ସୁପରଷ୍ଟାର ସୂର୍ୟାଙ୍କୁ ଶେଷ ଥର ପାଇଁ ଫିଲ୍ମ 'ଜୟ ଭୀମ'ରେ ଦେଖିବାକୁ ମିଳିଥିଲା, ଯାହାକୁ ବହୁତ ପ୍ରଶଂସା କରାଯାଇଥିଲା । ଚଳଚ୍ଚିତ୍ରର କାହାଣୀଠାରୁ ଆରମ୍ଭ କରି କଳାକାରଙ୍କ ଅଭିନୟ ପର୍ଯ୍ୟନ୍ତ ଲୋକମାନେ ଏହାକୁ ବହୁତ ପସନ୍ଦ କରିଛନ୍ତି । ବର୍ତ୍ତମାନ ଏହି ଫିଲ୍ମ ବିଷୟରେ ଆଉ ଏକ ଭଲ ଖବର ଶୁଣିବାକୁ ମିଳୁଛି । ଏହି ଚଳଚ୍ଚିତ୍ରଟି ଆଉ ଏକ ନୂଆ ରେକର୍ଡ ସୃଷ୍ଟି କରିଛି, ଯେଉଁଥିପାଇଁ ସୂର୍ୟାଙ୍କ ପ୍ରଶଂସକମାନେ ଖୁବ ସେଲିବ୍ରେଟ କରୁଥିବା ଜଣାପଡୁଛି। 

ସାଉଥ ଇଣ୍ଡଷ୍ଟ୍ରିର ସୁପରଷ୍ଟାର ସୂର୍ୟା (Superstar Suriya) ଙ୍କ ଫିଲ୍ମ ଜୟ ଭୀମ ନାମରେ ଏକ ନୂତନ ସଫଳତା ଯୋଡ଼ି ହୋଇଛି । ଓସ୍କାରର ୟୁଟ୍ୟୁବ୍ ଚ୍ୟାନେଲ (YouTube) ରେ ଜୟ ଭୀମ ଏହି ସ୍ଥାନ ପାଇଛି । ଆଜ୍ଞା ହଁ, ଏହି ଚଳଚ୍ଚିତ୍ରର ଏକ ଦୃଶ୍ୟ ଏକାଡେମୀ ପୁରସ୍କାର (Academy Awards )ର ୟୁଟ୍ୟୁବ୍ ଚ୍ୟାନେଲରେ ସ୍ଥାନ ପାଇଛି । ଏହା ସହିତ ସୁର୍ୟାଙ୍କ ଚଳଚ୍ଚିତ୍ର ଭାବେ ପ୍ରଥମ ତାମିଲ ଚଳଚ୍ଚିତ୍ର (Tamil Film)  ହୋଇପାରିଛି ଯାହା ଏହି ସମ୍ମାନ ପାଇବାରେ ହକଦାର ହୋଇଛି। 

ଜୟ ଭୀମ ଫିଲ୍ମର ଏହି ସଫଳତାକୁ ସୋସିଆଲ ମିଡିଆରେ ବହୁତ ପ୍ରଶଂସା କରାଯାଉଛି । ଜଣେ ଟୁଇଟର ୟୁଜର୍ସ ଲେଖିଛନ୍ତି, ' ଅଭିନେତା ସୁର୍ୟା ଭାରତ ଏବଂ ଭାରତୀୟ ସିନେମାକୁ ଗର୍ବିତ ମୁହୂର୍ତ୍ତ ଦେଇଛନ୍ତି। ଏହା ଏକ ଚମତ୍କାର ଚଳଚ୍ଚିତ୍ର । ଆଉ ଜଣେ ୟୁଜର୍ସ (Twitter Users) ଲେଖିଛନ୍ତି, ଏହି ଖବର ଶୁଣି ମୁଁ ବହୁତ ଖୁସି ଏମିତି ଲାଗୁଛି ଯେମିତି ମୁଁ ସ୍ୱର୍ଗରେ ପହଞ୍ଚିଗଲି । ସୂର୍ୟା ଏହିପରି ସଫଳତା ଜାରି ରଖନ୍ତୁ ।  

ଏଠାରେ କହିରଖୁଛୁ ଯେ, ସୂର୍ୟା (Suriya) ଙ୍କ ଏହି ଚଳଚ୍ଚିତ୍ରଟି ଶ୍ରେଷ୍ଠ ଅଣ-ଇଂରାଜୀ ଭାଷା ଚଳଚ୍ଚିତ୍ର ବର୍ଗରେ ଗୋଲଡେନ୍ ଗ୍ଲୋବସ୍ 2022 ପାଇଁ ମଧ୍ୟ ମନୋନୀତ ହୋଇଥିଲା । ଏହା ବ୍ୟତୀତ, ଏହି ଚଳଚ୍ଚିତ୍ରଟି ଅନେକ ରେକର୍ଡ ମଧ୍ୟ କରିଛି ଏବଂ ଏହା IMDb ରେ ୯.୬ ରେଟିଂ ପାଇସାରିଛି।