IND vs ENG Test: ରେଡ୍ ଜୋନରେ ୪ କ୍ରିକେଟର, ଶେଷ ହୋଇପାରେ କ୍ୟାରିୟର୍

ନୂଆଦିଲ୍ଲୀ: ବିରାଟ କୋହଲିଙ୍କ ଅଧିନାୟକତ୍ୱରେ ଥିବା ଟିମ୍ ଇଣ୍ଡିଆ, ନ୍ୟୁଜିଲାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିୟନସିପ୍‌ର ଅନ୍ତିମ ମ୍ୟାଚ୍‌କୁ ୮ ୱିକେଟ୍ ପରାଜୟର ସାମନା କରିବାକୁ ପଡିଛି। ସମସ୍ତଙଅକ ଏହି ହୃଦୟ ଭାଙ୍ଗିଥିବା ଏହି ପରାଜୟକୁ ଭୁଲି ଭାରତୀୟ ଦଳ ଇଂଲଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ପ୍ରସ୍ତୁତ ହେଉଛି। ଅଗଷ୍ଟ ୪ରୁ ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ୍ ଆରମ୍ଭ ହେବ। ଇଂଲଣ୍ଡ ଗସ୍ତ ଭାରତୀୟ କ୍ରିକେଟ୍ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଭଳି ପରିସ୍ଥିତିରେ ଅନ୍ୟ ଏକ ପରାଜୟ ୪ ଖେଳାଳିଙ୍କୁ ମହଙ୍ଗା ପଡିପାରେ। ଟେଷ୍ଟ କ୍ରିକେଟରେ ସେମାନଙ୍କର ଭବିଷ୍ୟତ କ’ଣ ହେବ ଏହି 4 ଖେଳାଳିଙ୍କ ପ୍ରଦର୍ଶନ ସ୍ଥିର କରିବ।

ଚେତେଶ୍ୱର ପୂଜାରା

ଇଂଲଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଚେତେଶ୍ୱର ପୂଜାରାଙ୍କ ପ୍ରଦର୍ଶନ ଟେଷ୍ଟ କ୍ରିକେଟରେ ତାଙ୍କର ଭବିଷ୍ୟତ କ’ଣ ହେବ ତାହା ସ୍ଥିର କରିବ। ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲର ପ୍ରଥମ ଇନିଂସରେ ପୂଜାରା ୮ ରନ୍ ଏବଂ ଦ୍ୱିତୀୟ ଇନିଂସରେ ୧୩ ରନ୍ କରିଥିଲେ। ଏହି ପ୍ରଦର୍ଶନ ପରେ ତାଙ୍କ କ୍ୟାରିୟରର କାଉଣ୍ଟଡାଉନ୍ ଆରମ୍ଭ ହୋଇଛି |

ବିରୋଧୀ ଦଳକୁ ଉପରେ ଚାପ ପକାଇବା ପାଇଁ ଡିଫେନସିଭ୍ ପରିବର୍ତ୍ତେ ସ୍କୋର କରିବା ଆବଶ୍ୟକ। କିନ୍ତୁ ପୂଜାରାଙ୍କ ବ୍ୟାଟିଂରେ ସେଭଳି କୌଣସି ପ୍ରଦର୍ଶନ ନଥିଲା। ଟପ୍ ଅର୍ଡର ହେଉଛି ଭାରତର ଷ୍ଟ୍ରେନଥ୍, ଯାହା ଟେଷ୍ଟ ମ୍ୟାଚରେ କ୍ରମାଗତ ଭାବେ ଫ୍ଲପ୍ ହେଉଛି। ବର୍ତ୍ତମାନ ପୂଜାରାଙ୍କ ସ୍ଥାନ ନମ୍ବର ତିନିକୁ ନେଇ ମଧ୍ୟ ପ୍ରଶ୍ନ ଉଠିଛି। ୨୦୧୮ ମସିହାରେ ପୂଜାରା, ଅଷ୍ଟ୍ରେଲିଆ ଗସ୍ତରେ ଶେଷ ସେଞ୍ଚୁରୀ କରିଥିଲେ। ସିଡନୀରେ ସେ ୧୯୩ ରନର ଏକ ଇନିଂସ ଖେଳିଥିଲେ। ଏହି ଇନିଂସ ପରଠାରୁ ସେ ଗୋଟିଏ ବି ଶତକ ହାସଲ କରିନାହାଁନ୍ତି, ଯାହା ଟିମ୍ ଇଣ୍ଡିଆ ପାଇଁ ଚିନ୍ତାର ବିଷୟ।

ଶୁଭମନ ଗିଲ

ବିଶ୍ୱ ଟେଷ୍ଟ ଚାମ୍ପିୟନସିପର ଫାଇନାଲର ପ୍ରଥମ ଇନିଂସରେ ଶୁଭମନ ଗିଲ ୨୮ ଏବଂ ଦ୍ୱିତୀୟ ଇନିଂସରେ ୮ ରନ କରିଥିଲେ। ରୋହିତ ଶର୍ମାଙ୍କ ସହ ଓପନିଂ କରୁଥିବା ଶୁଭମାନ ଗିଲ ଟିମ୍ ଇଣ୍ଡିଆକୁ ଭଲ ଆରମ୍ଭ କରିବାରେ ବିଫଳ ହୋଇଛନ୍ତି। ଓପନିଂ ବ୍ୟାଟ୍ସମ୍ୟାନ ଶୀଘ୍ର ଆଉଟ୍ ହେବା ପରେ ଟିମ୍ ଉପରେ ଚାପ ପଡିଥାଏ। ଚେତେଶ୍ୱର ପୂଜାରା, ବିରାଟ କୋହଲି ଏବଂ ଅଜିଙ୍କ୍ୟ ରାହାଣେ ଆଉଟ୍ ହେତୁ ମିଡିଲ୍ ଅର୍ଡର ମଧ୍ୟ ସମ୍ପୂର୍ଣ୍ଣ ଭାଙ୍ଗି ଯାଇଛି।

ଶୁଭମନଙ୍କ ଖରାପ ବ୍ୟାଟିଂ ପ୍ରଦର୍ଶନ ପରେ ଟେଷ୍ଟ ଦଳରେ ତାଙ୍କ ସ୍ଥାନ ନେଇ ପ୍ରଶ୍ନ ଉଠିଛି। ଶୁଭମାନ ଗିଲ ତାଙ୍କ ଟେଷ୍ଟ କ୍ୟାରିୟରରେ ଏପର୍ଯ୍ୟନ୍ତ ୮ଟି ମ୍ୟାଚରେ ୪୧୪ ରନ୍ ସଂଗ୍ରହ କରିଛନ୍ତି। ଏହି ସମୟ ମଧ୍ୟରେ ତାଙ୍କର ରନରେଟ୍ ହାରାହାରି ୩୧.୮୪ ହୋଇଛି। ଟିମ୍ ଇଣ୍ଡିଆ ପାଇଁ ଶୁଭମନ ଗିଲଙ୍କ ଫର୍ମ ଚିନ୍ତାର ବିଷୟ। ଓପନିଂରେ ଶୁଭମନ ଗିଲଙ୍କ ସ୍ଥାନରେ ମୟଙ୍କ ଅଗ୍ରୱାଲ ଏକ ଉତ୍ତମ ବିକଳ୍ପ ହୋଇପାରନ୍ତି।

ରିଦ୍ଧିମାନ ସାହା

ମହେନ୍ଦ୍ର ସିଂ ଧୋନି ଇଣ୍ଟରନ୍ୟସନାଲ୍ ଟେଷ୍ଟ ମଧ୍ୟରୁ ଅବସର ନେଇଛନ୍ତି। ରିଦ୍ଧିମାନ ସାହା ତାଙ୍କ ସ୍ଥାନରେ ୱିକେଟ୍ କିପିଂ କରୁଛନ୍ତି। ରିଦ୍ଧିମାନ ସାହା ଟେଷ୍ଟ ଦଳ ସହିତ କ୍ରମାଗତ ଭାବରେ ରହିଆସିଛନ୍ତି। ଉଲ୍ଲେଖଥାଉ କି, ଗତ କିଛି ସିରିଜରେ ସେ ଭାରତର ଏକାଦଶରେ ଖେଳିବାର ସୁଯୋଗ ପାଇ ନାହାଁନ୍ତି, କାରଣ ଋଷଭ ପନ୍ତ ତାଙ୍କ ଉପରେ ଭାରି ପଡିଛନ୍ତି। ଏହି ସମୟରେ ଇଂଲଣ୍ଡ ଗସ୍ତରେ ରିଦ୍ଧିମାନ ସାହା ଦଳରେ ସ୍ଥାନ ପାଇଛନ୍ତି। ରିଦ୍ଧିମାନ ଟିମ୍ ଇଣ୍ଡିଆ ଦଳର ଏକ ଅଂଶ। ଏପର୍ଯ୍ୟନ୍ତ ସେ ଭାରତ ପାଇଁ ୩୮ଟି ଟେଷ୍ଟ ମ୍ୟାଚ୍ ଖେଳିଛନ୍ତି। ଏଭଳି ପରିସ୍ଥିତିରେ ଇଂଲଣ୍ଡ ଗସ୍ତ ତାଙ୍କର ଶେଷ ଯାତ୍ରା ହୋଇପାରେ ବୋଲି କୁହାଯାଇପାରେ।

ଉମେଶ ଯାଦବ

ଗତ କିଛି ବର୍ଷ ମଧ୍ୟରେ ଭାରତୀୟ କ୍ରିକେଟ୍ ଦଳକୁ ଗୋଟିଏ ପରେ ଗୋଟିଏ ସର୍ବୋତ୍ତମ ଦ୍ରୁତ ବୋଲର ମିଳୁଛନ୍ତି। ସେମାନଙ୍କ ମଧ୍ୟରୁ ଉମେଶ ଯାଦବ ଅନ୍ୟତମ। ସେ ଧୀରେ ଧୀରେ ସୀମିତ ଓଭର ଦଳରୁ ତାଙ୍କର ସମ୍ପୂର୍ଣ୍ଣ ଛୁଟି ହୋଇଗଲା। କିନ୍ତୁ ସେ ଏବେ ମଧ୍ୟ ଭାରତର ଟେଷ୍ଟ ଦଳରେ ଅଛନ୍ତି। ଭାରତୀୟ ଟେଷ୍ଟ ଦଳରେ ଖେଳିବା ପାଇଁ ଉମେଶ ଯାଦବଙ୍କୁ ଏକ ନିରନ୍ତର ସୁଯୋଗ ଦିଆଯାଉଛି, କିନ୍ତୁ ସେ କ୍ରମାଗତ ଭାବରେ ଏକାଦଶର ଅଂଶ ହୋଇପାରି ନାହାଁନ୍ତି। ବର୍ତ୍ତମାନ ଏଭଳି ପରିସ୍ଥିତିରେ ଉମେଶ ଯାଦବ ହୁଏତ ଇଂଲଣ୍ଡ ଗସ୍ତରେ ସ୍ଥାନ ପାଇବାରେ ସଫଳ ହୋଇଥାଇ ପାରନ୍ତି, କିନ୍ତୁ ୪୮ଟି ଟେଷ୍ଟ ଖେଳିଥିବା ୩୩ ବର୍ଷିୟ ଉମେଶଙ୍କ ପାଇଁ ଇଂଲଣ୍ଡର ଏହି ଯାତ୍ରା ଶେଷ ବୋଲି ପ୍ରମାଣିତ ହୋଇପାରେ।