କାରଣ ଏହି ମନ୍ଦିରରେ କେବଳ ମହିଳା ମାନେ ହିଁ ପୂଜା କରିପାରିବେ। ତେବେ ଆଜି ଚାଲନ୍ତୁ ଜାଣିବା ଆମ ଦେଶରେ ଏମିତି କିଛି ମନ୍ଦିର ଅଛି ଯେଉଁଠାରେ ପୁରୁଷ ମାନଙ୍କ ପାଇଁ ବିଶେଷ ନିୟମ ରହିଛି ।
Trending Photos
ନୂଆଦିଲ୍ଲୀ: ଆମ ଦେଶରେ ଅନେକ କିଛି ଅଜବ ଗଜବ ନିୟମ ରହିଛି । ଆଉ ଏ ନିୟମ କଥା ଆପଣଙ୍କୁ ଅଛପା ନଥିବ ନିଶ୍ଚେ । ଆପଣ ଆମ ଦେଶର ଏମିତି କିଛି ମନ୍ଦିର ବିଷୟରେ ଶୁଣିଥିବେ ଯେଉଁଠାରେ ମନ୍ଦିରକୁ ମହିଳା ମାନଙ୍କର ପ୍ରବେଶ ଉପରେ ପ୍ରତିବନ୍ଧକ ଲାଗିଥାଏ । ଏହାରି ମଧ୍ୟରେ ସାବରିମାଳା ମନ୍ଦିରରେ ମହିଳାଙ୍କ ପ୍ରବେଶକୁ ନେଇ ମଧ୍ୟ ଅନେକ ବାଦ ବିବାଦ ଦେଖାଦେଇଛି । କାରଣ ଏହି ମନ୍ଦିରରେ କେବଳ ମହିଳା ମାନେ ହିଁ ପୂଜା କରିପାରିବେ। ତେବେ ଆଜି ଚାଲନ୍ତୁ ଜାଣିବା ଆମ ଦେଶରେ ଏମିତି କିଛି ମନ୍ଦିର ଅଛି ଯେଉଁଠାରେ ପୁରୁଷ ମାନଙ୍କ ପାଇଁ ବିଶେଷ ନିୟମ ରହିଛି ।
Also Read: ରେକର୍ଡିଂ କରି ହେବ WhatsApp କଲ୍, ଜାଣନ୍ତୁ ପୁରା ପ୍ରୋସେସ୍
ବ୍ରହ୍ମା ମନ୍ଦିର, (Brahma Temple) ରାଜସ୍ଥାନ:
ଭଗବାନ ବ୍ରହ୍ମାଙ୍କର ଏହି ମନ୍ଦିର ପୁଷ୍କରରେ ଅଛି । ଏହି ମନ୍ଦିର ୧୪ତମ ଶତାବ୍ଦୀରେ ନିର୍ମାଣ କରାଯାଇଥିଲା । ଏହି ମନ୍ଦିରରେ ଦେବୀ ସରସ୍ୱତୀଙ୍କ ଅଭିଶାପ ଯୋଗୁଁ ଏହି ମନ୍ଦିର ଭିତରକୁ ବିବାହିତ ପୁରୁଷ ମାନଙ୍କର ପ୍ରବେଶକୁ ଅନୁମତି ଦିଆଯାଏ ନାହିଁ । ତେବେ ବିବାହିତ ପୁରୁଷ ମାନେ ମନ୍ଦିରର ବାହାର ଦ୍ୱାରରୁ ହି ମସ୍ତକ ଟେକି ଚାଲିଯାଆନ୍ତି ।
ଭଗବତୀ ଦେବୀ ମନ୍ଦିର, (Bhagwati Devi Temple) କନ୍ୟାକୁମାରୀ:
କୁହାଯାଏ ଯେ ଭଗବାନ ଭଗବତୀ ଥରେ ମହାଦେବ ଶିବଙ୍କୁ ତାଙ୍କ ସ୍ୱାମୀ ଭାବରେ ପାଇବା ପାଇଁ ତପସ୍ୟା କରିବାକୁ ଆସିଥିଲେ। ଭଗବତୀ ମାତାଙ୍କୁ ସନ୍ନ୍ୟାସ ଦେବୀ ମଧ୍ୟ କୁହାଯାଏ, ତେଣୁ ସନ୍ନ୍ୟାସୀ ପୁରୁଷମାନେ ମନ୍ଦିର ଦ୍ୱାରରୁ ମାତାଙ୍କର ଦର୍ଶନ ପାଇପାରିବେ । ଅନ୍ୟପକ୍ଷରେ ବିବାହିତ ପୁରୁଷମାନଙ୍କୁ ଏହି ମନ୍ଦିରରେ ପ୍ରବେଶ କରିବାକୁ ଅନୁମତି ନାହିଁ, କେବଳ ମହିଳାମାନେ ଏଠାରେ ପୂଜା କରିବାକୁ ଯାଇଥାନ୍ତି।
କାମାକ୍ଷା ମନ୍ଦିର, (Kamaksha Temple)ଗୌହାଟୀ :
ଦେବୀ ମାତାଙ୍କ ସବୁ ମନ୍ଦିର ଓ ଶକ୍ତିପୀଠ ଠାରୁ କାମାକ୍ଷା ଶକ୍ତିପୀଠର ସ୍ଥାନ ସବୁଠାରୁ ଉପରେ । ଏଠାରେ ମାତାଙ୍କର ଉତ୍ସବ ଖୁବ ଧୁମଧାମରେ ପାଳନ କରାଯାଏ । ତେବେ ଏହି ସମୟରେ ମନ୍ଦିର ମଧ୍ୟକୁ ପୁରୁଷ ମାନଙ୍କ ପ୍ରବେଶକୁ ନିଷିଦ୍ଧ କରାଯାଇଥାଏ । କେବଳ ଏତିକି ନୁହେଁ ପୂଜାରୀ କାମ ମଧ୍ୟ ଜଣେ ମହିଳା ପୂଜକ ହିଁ କରିଥାନ୍ତି ।
ଚକ୍କୁଲାଥୁକାବୁ ମନ୍ଦିର, (Chakkulathukavu Temple) କେରଳ :
ମାତା ଦୁର୍ଗାଙ୍କ ଏହି ମନ୍ଦିର ପ୍ରତିବର୍ଷ ପୋଙ୍ଗଲର ନାରୀ ବା ମହିଳା ପୂଜା କରାଯାଏ । ଏହି ପୂଜା ୧୦ ଦିନ ପର୍ଯ୍ୟନ୍ତ ଚାଲିଥାଏ, ଆଉ ଏହି ସମୟରେ ମନ୍ଦିରରେ ପୁରୁଷ ମାନଙ୍କ ଯାତାୟତକୁ ବନ୍ଦ କରାଯାଇଥାଏ । ଆଉ ପୂଜାର ଶେଷ ଦିନରେ ପୁରୁଷ ମାନେ ମହିଳାଙ୍କ ପାଦ ଧୋଇଦେବାର ମଧ୍ୟ ପରମ୍ପରା ରହିଛି ।
ସନ୍ତୋଷୀ ମାତା ମନ୍ଦିର (Santoshi Temple), ଯୋଧପୁର:
ଏହି ମନ୍ଦିରରେ ଶୁକ୍ରବାର ଦିନ ପୁରୁଷ ମାନଙ୍କ ପ୍ରବେଶ ଉପରେ ରୋକ୍ ଲଗାଯାଇଥାଏ। ଅଲଗା ଦିନ ମାନଙ୍କରେ ବି ପୁରୁଷ ମାନେ ମନ୍ଦିରର ଦୁଆରୁ ଦର୍ଶନ କରିଥାନ୍ତି । ଏଠାରେ ମାତାଙ୍କ ପୂଜା କରିବା ନେଇ ପୁରୁଷ ମାନଙ୍କୁ ଅନୁମତି ଦିଆଯାଏ ନାହିଁ ।