ଏହି ୫ ଦିନ ମଧ୍ୟରେ ଡୋର ଟୁ ଡୋର ବୁଲି ସ୍କ୍ରୀନିଂ ଟେଷ୍ଟ କରିବାର ଲକ୍ଷ୍ୟ ରଖିଛି ଜିଲ୍ଲା ପ୍ରଶାସନ ।
Trending Photos
ବ୍ରହ୍ମପୁର: କୋରୋନା ଚେନକୁ ଭାଙ୍ଗିବା ଲାଗି ପୁଣିଥରେ ଜିଲ୍ଲାରେ ୫ ଦିନିଆ ସଟଡାଉନ୍ ଘୋଷଣା କଲା ଜିଲ୍ଲା ପ୍ରଶାସନ । ବ୍ରହ୍ମପୁର ମହାନଗର ନିଗମ ସମେତ ହିଞ୍ଜଳିକାଟୁ ମ୍ୟୁନିସିପାଲଟି ଜିଲ୍ଲାର, ୧୬ଟି ଏନଏସି ଓ ୫ଟି ବ୍ଲକ ହେଡକ୍ବାଟରକୁ ଜୁଲାଇ ୯ ତାରିଖ ଠାରୁ ୧୩ ତାରିଖ ପର୍ଯ୍ୟନ୍ତ ସଟଡାଉନ୍ ଘୋଷଣା କଲା ଜିଲ୍ଲା ପ୍ରଶାସନ । ଧରାକୋଟ, ସାନଖେମୁଣ୍ଡି, ଶେରଗଢ,ଜଗନ୍ନାଥ ପ୍ରସାଦ, ପାତ୍ରପୁର ପରି ଏହି ୫ଟି ବ୍ଲକ ହେଡକ୍ବାଟର ସାମିଲ ରହିଛି ।
ଏହି ୫ ଦିନ ମଧ୍ୟରେ ଡୋର ଟୁ ଡୋର ବୁଲି ସ୍କ୍ରୀନିଂ ଟେଷ୍ଟ କରିବାର ଲକ୍ଷ୍ୟ ରଖିଛି ଜିଲ୍ଲା ପ୍ରଶାସନ । ଏଥିଲାଗି ୨୦୦ଟି ଟିମ ଗଠନ ହୋଇଥିବା ବେଳେ ସେଥି ମଧ୍ୟରୁ ବ୍ରହ୍ମପୁର ମହାନଗର ନିଗମରରେ ୧୦୦ଟିମ ନିୟୋଜିତ ହେବେ । ବ୍ରହ୍ମପୁର ମହାନଗର ନିଗମର ୭୨ ହଜାର ପରିବାର ବା ୪ ଲକ୍ଷ ଲୋକଙ୍କ ସ୍କ୍ରୀନିଂ ଟେଷ୍ଟ କରିବା ଲାଗି ଲକ୍ଷ୍ୟ ରଖାଯାଇଥିବା ବେଳେ ସହରାଞ୍ଚଳର ୫୯ ହଜାର୨ ଶହ ୫୦ ପରିବାର ବା ୩ ଲକ୍ଷ ୬ ହଜାର ୩ ଶହ ୯୧ ଲୋକଙ୍କ ସ୍କ୍ରୀନିଂ ଟେଷ୍ଟ କରିବା ଲାଗି ଲକ୍ଷ ରଖିଛି ଜିଲ୍ଲା ପ୍ରଶାସନ ।