 "ଧିମେଇ ଯାଇଛି ପ୍ରକଳ୍ପ, କେବେ ସରିବ ସ୍ମାର୍ଟସିଟି ଭୁବନେଶ୍ୱର ନିର୍ମାଣ କାର୍ଯ୍ୟ?")
ଶାନ୍ତସ୍ୱରୂପ ରାଉତ, ଭୁବନେଶ୍ୱର: କେବେ ସାକାର ହେବ ସ୍ମାର୍ଟ ସିଟି (Smart City) ସ୍ୱପ୍ନ? କେବେ ବାସ୍ତବ ରୂପ ନେବ ସ୍ମାର୍ଟ ସିଟି ଭୁବନେଶ୍ୱର? କେବେ ସରିବ ପ୍ରକଳ୍ପ କେବେ ପାଇବ ନୂଆ ରୂପ? ଏହାରି ଅପେକ୍ଷାରେ ଦେଶର ଏକ ନମ୍ବର ସ୍ମାର୍ଟ ସିଟି ଭୁବନେଶ୍ୱର (Smart City Bhubaneswar) । ବର୍ଷ ପରେ ବର୍ଷ ବିତୁଛି ହେଲେ ଆଗେଇ ପାରୁନି ପ୍ରକଳ୍ପ କାର୍ଯ୍ୟ । ଦେଶର ଏକ ନମ୍ବର ସ୍ମାର୍ଟ ସିଟିର ମାନ୍ୟତା ପାଇଥିବା ଭୁବନେଶ୍ୱର ଏବେ ସ୍ମାର୍ଟ ସିଟି କାର୍ଯ୍ୟକୁ ନେଇ ଅଧାପନ୍ତରିଆ । କେଉଁଠି ପ୍ରକଳ୍ପ ଆରମ୍ଭ ହୋଇନି ତ କେଉଁଠି ଅଧାଗଢା ହୋଇ ପଡିରହିଛି, ଆଉ କେଉଁଠି ମନ୍ଥର ଗତିରେ ଚାଲିଛି ପ୍ରକଳ୍ପ କାର୍ଯ୍ୟ । ସ୍ମାର୍ଟ ସିଟି ଘୋଷଣା ହେବା ପରେ ବର୍ଷ ପରେ ବର୍ଷ ବିତୁଛି ହେଲେ ପ୍ରକଳ୍ପ କାର୍ୟ୍ୟ ତ୍ୱରାନ୍ୱିତ୍ୱ ହୋଇ ପାରୁନାହିଁ ।
ବିଶେଷ କରି ତିନୋଟି ବିଭାଗ IT, INFRASTRUCTURE, SOCIALLY SMART BHUBANESWAR ବିଭକ୍ତ କରି ସ୍ମାର୍ଟ ସିଟିର କାର୍ଯ୍ୟ ଚାଲିଥିବା ବେଳେ କିଛି ସରିଛି କିଛି ଚାଲିଛି ଆଉ କିଛି ଏବେବି ସ୍ୱପ୍ନ ହୋଇ ରହିଛି । IT ଅଧିନରେ ଇ-ଗଭର୍ନାସ୍ ଓ ସ୍ମାର୍ଟ କିଓସ୍କ ନିର୍ମାଣ ସରିଥିବା ବେଳେ ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇପାରିନାହିଁ, ଟ୍ରାଫିକ୍ ମ୍ୟାନେଜମେଣ୍ଟ ପ୍ରକଳ୍ପ ସରି କାର୍ଯ୍ୟକ୍ଷମ ହୋଇଥିବା ବେଳେ ସ୍ମାର୍ଟ ସଲ୍ୟୁସନ୍ ପ୍ରକଳ୍ପ ଆରମ୍ଭ ହୋଇପାରିନି ।
ସେହପରି INFRASTRUCTURE ଅଧିନରେ ସବୁଠାରୁ ବଡ ପ୍ରୋଜେକ୍ଟ ରେଲୱେ ଷ୍ଟେସନ ମଲ୍ଟି ମୋଡାଲ (Raiway Station Multi Modal) ହବ୍ ପାଇଁ ଏଯାଏ ଗ୍ରୀନ ସିଗନାଲ ମିଳିନଥିବା ବେଳେ ଶିଶୁ ଭବନରୁ ବାଣୀବିହାର ପର୍ୟ୍ୟନ୍ତ ଚାଲିଥିବା ସ୍ମାର୍ଟ ଡିଷ୍ଟ୍ରିକ୍ଟ (Smart District) ସମ୍ପୂର୍ଣ୍ଣ ହୋଇପାରିନି । ଏହାସହ ମୋଟ ୯ଟି ପ୍ରକଳ୍ପରୁ ୩ଟି ପ୍ରକଳ୍ପ ଶେଷ ହୋଇଛି ।
ଭୁବନେଶ୍ୱର ମହାନଗର ନିଗମର ନୂତନ ବିଲ୍ଡିଂ କାମ ଚାଲୁରହିଛି । ସହର ସୌନ୍ଦର୍ଯ୍ୟକରଣ (City Beautification), ପାର୍କ ପୁନରୁଦ୍ଧାର (Park Restoration), ବହୁତଳ ପାର୍କିଂ ବ୍ୟବସ୍ଥା (Underground Parking), କମନ୍ କରିଡର (Common Corridor) ଆଦି ଅନେକ କାର୍ଯ୍ୟ ଅଧା ପଡି ରହିଛି ।
ଏପରି ଅଧାପନ୍ତରିଆ କାମକୁ ନେଇ ସହରବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ନାଁ ସମ୍ପୂର୍ଣ୍ଣ କାର୍ଯ୍ୟ ଶେଷ ହେଉଛି ନା ଅଧାଗଢା କାର୍ଯ୍ୟର ରକ୍ଷଣାବେକ୍ଷଣା ହୋଇପାରୁଛି । ରାସ୍ତା କଡରେ ଏପରି ଅଧାପନ୍ତରିଆ କାମରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି ସହରବାସୀ ।
ସେପଟେ ଲଗାତାର ଦୁଇ ବର୍ଷ ବାତ୍ୟା ଆଉ ବର୍ତ୍ତମାନର ମହାମାରୀ କୋରୋନା ପ୍ରକୋପ ପାଇଁ ପ୍ରକଳ୍ପ କାର୍ଯ୍ୟ ୬ରୁ ୮ ମାସ ବିଳମ୍ବ ହୋଇଥିବା ଭୁବନେଶ୍ୱର ସ୍ମାର୍ଟ ସିଟି ଲିମିଟେଡ (Bhubaneswar Smart City Limited) ମୁଖ୍ୟ କାର୍ଯ୍ୟନିର୍ବାହି ଅଧିକାରୀ (Chief Executive Officer) ପ୍ରେମଚନ୍ଦ୍ର ଚୌଧୁରୀ କହିଛନ୍ତି । ଯାହା ଖୁବଶୀଘ୍ର ତ୍ୱାରାନ୍ୱିତ ବେଗରେ ଶେଷ ହେବ ବୋଲି ପ୍ରତିଶୃତି ଦେଇଛନ୍ତି ।
)