କୋଭିଡ ନି ଯୟନ୍ତ୍ରଣରେ ସଫଳତା ଦେଖାଇବା ପାଇଁ ସରକାର ତଥ୍ୟ ଲୁଚାଉଥିବା ଅଭିଯୋଗ କରିଛନ୍ତି ବିରୋଧୀ। ଏପରିକି ତଥ୍ୟ ଦେଇ ବିରୋଧୀ ସରକାର କୋରୋନା ସଂପର୍କିତ ମିଥ୍ୟା ତଥ୍ୟ ଦେଉଥିବା କଂଗ୍ରେସ ସାଂଘାତିକ ଅଭିଯୋଗ କରିଛି।
Trending Photos
ମଳୟ ରଞ୍ଜନ ମହାନ୍ତି, ଭୁବନେଶ୍ୱର: କୋଭିଡ ନି ଯୟନ୍ତ୍ରଣରେ ସଫଳତା ଦେଖାଇବା ପାଇଁ ସରକାର ତଥ୍ୟ ଲୁଚାଉଥିବା ଅଭିଯୋଗ କରିଛନ୍ତି ବିରୋଧୀ। ଏପରିକି ତଥ୍ୟ ଦେଇ ବିରୋଧୀ ସରକାର କୋରୋନା ସଂପର୍କିତ ମିଥ୍ୟା ତଥ୍ୟ ଦେଉଥିବା କଂଗ୍ରେସ ସାଂଘାତିକ ଅଭିଯୋଗ କରିଛି। ପ୍ରତିଦିନ ୧୦ ହଜାରରୁ ଅଧିକ କୋରୋନା ପଜିଟିଭ ଚିହ୍ନଟ ହେଉଛନ୍ତି କିନ୍ତୁ ସରକାର ମାତ୍ର ୪ ହଜାର ସଂଖ୍ୟା ଦେଉଛନ୍ତି ବୋଲି କଂଗ୍ରେସ ଅଭିଯୋଗ କରିଛି।
ହୀରାକୁଦ ଜଳ ମ୍ୟାନେଜ କଲା ଭଳି କୋରୋନାକୁ ମ୍ୟାନେଜ କରୁଛନ୍ତି ରାଜ୍ୟ ସରକାର ବୋଲି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଅଭିଯୋଗ କରିଛନ୍ତି। ହଜାର ହଜାର ଆକ୍ରାନ୍ତଙ୍କ ମୃତ୍ୟୁ ହେଲାଣି କିନ୍ତୁ ସରକାର ୭୦୦ କହୁଛନ୍ତି। କୋରୋନା ତଥ୍ୟକୁ ନେଇ ଏଭଳି ଢଙ୍ଗରେ ସରକାରଙ୍କ ଉପରେ ସିଧା ଆକ୍ରମଣ କରିଛି ବିରୋଧୀ କଂଗ୍ରେସ। ଏପରିକି ବିଜେପି ମଧ୍ୟ ସରକାରଙ୍କ ତଥ୍ୟକୁ ମିଛ ବୋଲି କହିଛି। ଏପରିକି ଖୋଦ ସତ୍ୟନଗର ଶ୍ମାଶାନରେ ଶବ ପୋଡାକୁ ଦେଖିଲେ ସରକାର କୋରୋନା ମୃତ୍ୟୁକୁ ନେଇ କିଭଳି ମିଛ କହୁଛନ୍ତି ତାହା ସ୍ପଷ୍ଟ ବାରି ହୋଇ ପଡୁଛି ବୋଲି ଅଭିଯୋଗ କରିଛି ବିଜେପି।
ଖାସ ଏଥିପାଇଁ ସରକାର ବାରମ୍ବାର ନିୟମରେ ପରିବର୍ତ୍ତନ କରି ଲୋକଙ୍କୁ ଭୁଆଁ ବୁଲାଇବାକୁ ଉଦ୍ୟମ କରୁଥିବା ବିଜେପି ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ ଅଭିଯୋଗ କରିଛନ୍ତି। ଅନ୍ୟପକ୍ଷରେ ବିଜେଡି ଏ ପ୍ରସଙ୍ଗରେ ବିରୋଧୀଙ୍କୁ କଡା ଜବାବ ଦେଇଛି। ହସ୍ପିଟାଲ ଯାହା ରିପୋର୍ଟ ଦେଉଛନ୍ତି ସରକାର ସେହି ତଥ୍ୟକୁ ଉପସ୍ଥାପନ କରୁଛନ୍ତି। ତା ହେଲେ ଯଦି ସେ ରିପୋର୍ଟକୁ ଭୁଲ କହିବା ତେବେ ଠିକ ରିପୋର୍ଟ କେଉଁଠୁ ଆସିବ ବୋଲି ଶାସକ ଦଳ ପ୍ରଶ୍ନ କରିଛି। ଆମେ ସେହି ରିପୋର୍ଟ ଉପରେ ନିର୍ଭରଶୀଳ। ତେଣୁ ଏହାର ବିଶ୍ୱାସନୀୟତା ଉପରେ ପ୍ରଶ୍ନ ଉଠାଇବା ଠିକ ହେବ ନାହିଁ ବୋଲି କହିଛି ବିଜେଡି। ଏପରିକି ଯଦି ବିରୋଧୀମାନେ ବିଶ୍ୱାସ କରୁନାହାନ୍ତି ତେବେ ଯେଉଁ ରୋଗୀ ସୁସ୍ଥ ହୋଇ ଆସୁଛନ୍ତି ସେମାନଙ୍କୁ ପଚାରିଲେ ସେମାନେ ଠିକ ତଥ୍ୟ ଦେଇପାରିବେ ବୋଲି ବିଜେଡି ବିଧାୟକ ଅମର ପ୍ରସାଦ ଶତପଥୀ କହିଛନ୍ତି।