ଆଜି Swiggy ରୁ କରନ୍ତୁନି ଖାଇବା ଅର୍ଡର !

ବିଶେଷ କରି ସାପ୍ତାହିକ ଓ ମାସିକ ଇନସେନଟିଭ୍, ତେଲ ବାବଦକୁ ଆବଶ୍ୟକୀୟ ଟଙ୍କା ଏବଂ ଅନ୍ୟାନ୍ୟ ଆନୁଷଙ୍ଗିକ ଦେୟ ଦେବାକୁ ମଧ୍ୟ ଦାବି କରାଯାଇଛି ।

ଶାନ୍ତସ୍ୱରୁପ ରାଉତ, ଭୁବନେଶ୍ବର:  ଧାରଣାରେ ଅନଲାଇନ ଫୁଡ୍ ଡେଲିଭରି ସ୍ୱିଗି କର୍ମଚାରୀ । ବିଭିନ୍ନ ଦାବି ନେଇ ଭୁବନେଶ୍ଵର ନୟାପଲ୍ଲୀ ଅଞ୍ଚଳରେ ଥିବା ଆଞ୍ଚଳିକ କାର୍ଯ୍ୟାଳୟ ଘେରାଉ କରିଛନ୍ତି କର୍ମଚାରୀ । ଗେଟ୍ରେ ତାଲା ପକାଇ ଆନ୍ଦୋଳନ କରିଛନ୍ତି । 

କୋଭିଡ (Covid) ସମୟରେ ଡ୍ୟୁଟି କରି ମଧ୍ୟ କମ୍ପାନୀ ପକ୍ଷରୁ ଦିଆଯାଇଥିବା ପ୍ରତିଶୃତି ଏବେ ଯାଏଁ ପୂରଣ ହୋଇପାରିଲାନି। ତେବେ କମ୍ପାନୀ ଦେଇଥିବା ପ୍ରତିଶ୍ରୁତି ଯଥାଶୀଘ୍ର ପୂରଣ କରିବାକୁ ଦାବି କରିଛନ୍ତି ଧାରଣାରତ କର୍ମଚାରୀ । ବିଶେଷ କରି ସାପ୍ତାହିକ ଓ ମାସିକ ଇନସେନଟିଭ୍ (Incentive), ତେଲ ବାବଦକୁ ଆବଶ୍ୟକୀୟ ଟଙ୍କା ଏବଂ ଅନ୍ୟାନ୍ୟ ଆନୁଷଙ୍ଗିକ ଦେୟ ଦେବାକୁ ମଧ୍ୟ ଦାବି କରାଯାଇଛି। 

ଏନେଇ ପୂର୍ବରୁ ବାରମ୍ବାର ଅଭିଯୋଗ କରିବା ପରେ ପ୍ରତିଶ୍ରୁତି ଦେଇ ଦାବି ପୂରଣ କରିନଥିବା ଡେଲିଭରୀ ବୟ (Delivery Boy) କହିଛନ୍ତି । ସେଥିପାଇଁ ଦାବି ପୂରଣ କରିବା ଦାବି ନେଇ ଆଜି ଭୁବନେଶ୍ବର (Bhubaneswar) ଆଞ୍ଚଳିକ କାର୍ଯ୍ୟାଳୟରେ ଧାରଣା ଦେଇଥିବା ସୂଚନା ରହିଛି ।

ସୂଚନାନୁସାରେ, ହାତ ପାହାନ୍ତାରେ ଏବେ ସବୁକିଛି । ଗୋଟିଏ କ୍ଲିକରେ ଘର ଦୁଆରେ ପହଞ୍ଚିଯାଏ ଖାଦ୍ୟ ସାମଗ୍ରୀ ଓ ପ୍ରସ୍ତୁତ ହୋଇରହିଥିବା ଖାଦ୍ୟ । ବାସ୍ ପେମେଣ୍ଟ କର ଆଉ ଆପଣ ଚାହୁଁଥିବା ସବୁ ଜିନିଷ ପହଞ୍ଚିଯିବ ଆପଣଙ୍କ ଘରେ । ତେବେ ଅନଲାଇନ ଫୁଡ୍ ଡେଲିଭରୀ ଆପ୍  (Online food delivery App) ମଧ୍ୟରେ ଏବେ ବେଶ ଲୋକପ୍ରିୟତା ହାସଲ କରିଛି ସ୍ୱିଗୀ (Swiggy) । ତେବେ ଏହି ଧାରଣା ପାଇଁ ଆଜି ଏହି ଆପ୍ ଜରିଆରେ ଖାଇବା ଅର୍ଡର କରିଥିବା ଲୋକ କିଛିଟା ମାତ୍ରାରେ ପ୍ରଭାବିତ ହୋଇଥିବେ ନିଶ୍ଚୟେ...

Edited: Zee Odisha Desk