ସାବଧାନ ! ବଢିବ ପାରା, ଆକାଶରୁ ଖସିବ ନିଆଁ ଝୁଲ

ଭୁବନେଶ୍ବର: ଏବେ ଫେବ୍ରୁଆରୀ ମାସ ସରିବା ଉପରେ ହେଲେ ଏବେଠାରୁ ଟାଣଖରାରେ ଫାଟିଲାଣି ମୁଣ୍ଡ । ରାଜ୍ୟରେ ଗତ ଦୁଇଦିନ ଧରି ଗ୍ରୀଷ୍ମ ତାପ ବୃଦ୍ଧି ପାଇବାପରେ ସ୍ୱତନ୍ତ୍ର ରିଲିଫ କମିଶନର ସମସ୍ତ ଜିଲ୍ଲାପାଳଙ୍କୁ ଚିଠି ଲେଖି ହିଟୱେଭ୍ ପାଇଁ ସତର୍କ କରାଇବା ସହ ଆବଶ୍ୟକ ପ୍ରସ୍ତୁତି କରିବା ନିମନ୍ତେ ନିର୍ଦ୍ଦେଶ ଦେଇଛନ୍ତି। ଏହାସହିତ ହିଟୱେଭ ଓ ଗ୍ରୀଷ୍ମପ୍ରବାହର ମୁକାବିଲା ନିମନ୍ତେ ଏକ ଏସଓପି ମଧ୍ୟ ଜାରି କରାଯାଇଛି ।

ତେବେ ଆଗକୁ ରାଜ୍ୟରେ ଖରାର ପ୍ରକୋପ ବଢିବା ସହ ରାଜ୍ୟରେ ହିଟୱେଭ୍ (Heat Wave) ଆଲର୍ଟ  ଜାରି କରାଯାଇଛି । ରାଜ୍ୟ ଡିଆରସି ପ୍ରଭାତ ମହାପାତ୍ର ଏନେଇ  ସୂଚନା ଦେଇଛନ୍ତି । ୧୯୯୮ରେ ହିଟୱେଭ ପାଇଁ ୨୦୪୨ ଜଣଙ୍କ ଜୀବନ ଯାଇଥିଲା । ହେଲେ ଏହା ପରେ ପରେ ବ୍ୟାପକ ସଚେତନତା ଯୋଗୁଁ  ମୃତ୍ୟୁ ସଂଖ୍ୟାରେ ହ୍ରାସ (Sunstroke) ଦେଖାଦେଇଛି।

• ୨୦୧୬ରେ ୫୪ ଜଣଙ୍କ ମୃତ୍ୟୁ 
• ୨୦୧୭ରେ ୪୫ ଜଣଙ୍କ ମୃତ୍ୟୁ
• ୨୦୧୮ରେ ୬୦ ଜଣଙ୍କ ମୃତ୍ୟୁ 
• ୨୦୧୯ରେ ୫୦ ଜଣଙ୍କ ମୃତ୍ୟୁ
• ୨୦୨୦ ଅର୍ଥାତ ଗତବର୍ଷ ୧୨ ଜଣଙ୍କ ମୃତ୍ୟ ହୋଇଥିବା ସୂଚନା ରହିଛି ।  ତେବେ ଆଗକୁ ଖରା ଅଧିକ ବଢିବାକୁ ଥିବା ବେଳେ

ଶ୍ରମିକଙ୍କ ଦିନରେ କାମ ସମୟ ସ୍ଥିର କରାଯିବ । ଶ୍ରମିକଙ୍କ ପାଇଁ ନିର୍ଦ୍ଦେଶନାମା ଜାରି କରିବ ଶ୍ରମ ବିଭାଗ। ସ୍କୁଲ ଛାତ୍ରଛାତ୍ରୀଙ୍କ ପାଇଁ କ୍ଲାସର ସମୟ ମଧ୍ୟ ସ୍ଥିର ହେବା ସହ ଏ ଦାୟିତ୍ୱ ନେବ ବିଦ୍ୟାଳୟ ଓ ଗଣଶିକ୍ଷା ବିଭାଗ  । ସେପଟେ ପ୍ରତ୍ୟେକ ପିଲା ପାଣି ବୋତଲ (WaterBottle)ନେଇ ସ୍କୁଲ ଆସିବା ସହ ପିଲାଙ୍କ ପାଣି ବୋତଲ ଉପରେ ଅଭିଭାବକ ମାନେ ଧ୍ୟାନ ଦେବା ଜରୁରୀ । 

କୋଭିଡ୍ (Covid) ପାଇଁ ସ୍କୁଲ ବନ୍ଦ ଥିଲା, କିଛି କ୍ଲାସ ଚାଲିଛି ତେଣୁ ଆଗକୁ ନଜରରେ ରଖି ସ୍କୁଲରେ ପର୍ଯ୍ୟାପ୍ତ ପରିମାଣର ପାଣିର ବ୍ୟବସ୍ଥା ପାଇଁ ନିର୍ଦ୍ଦେଶ ଜାରି କରାଯାଇଛି । ପାଣିର ଅଭାବ ଥିବା ସ୍ଥାନକୁ ଚିହ୍ନଟ କରି ଜଳ ଯୋଗାଣ ନିର୍ଦ୍ଦେଶ ଜାରି ରହିଛି।