ମାଗଣାରେ ତିଆରି କରିପାରିବେ ଇ-ଶ୍ରମ କାର୍ଡ; ମିଳିବ ୨ ଲକ୍ଷ ଟଙ୍କାର ଲାଭ, ଜାଣନ୍ତୁ ପ୍ରୋସେସ

e-Shram Card: ପ୍ରଧାନ ମନ୍ତ୍ରୀ ସୁରକ୍ଷ ବିମା ଯୋଜନା ଅଧୀନରେ ଇ-ଶ୍ରମ କାର୍ଡଧାରୀମାନେ ୨ ଲକ୍ଷ ଟଙ୍କା ବୀମା କଭର ପାଇଛନ୍ତି । ଏହି ବୀମା କଭରର ଲାଭ ଉଠାଇବା ପାଇଁ ସେମାନଙ୍କୁ କୌଣସି ପ୍ରକାରର ପ୍ରିମିୟମ ଦେବାକୁ ପଡିବ ନାହିଁ ।

ନୂଆଦିଲ୍ଲୀ: ଅସଂଗଠିତ କ୍ଷେତ୍ର ସହ ଜଡିତ ଲୋକଙ୍କୁ ଆର୍ଥିକ ସହାୟତା ଯୋଗାଇବା ପାଇଁ ସରକାର ଇ-ଶ୍ରମ କାର୍ଡ (e-Shram Card) ଯୋଜନା ଚଳାଉଛନ୍ତି । ଏହି ଯୋଜନା ଅଧୀନରେ ସାରା ଦେଶରେ ଶ୍ରମିକ ଏବଂ ଦିନ ମଜୁରିଆଙ୍କ ପାଇଁ ଇ-ଶ୍ରମ କାର୍ଡ ପ୍ରସ୍ତୁତ କରାଯାଉଛି । ଏହି ଯୋଜନା ଅଧୀନରେ ସରକାର ସାରା ଦେଶରେ ଶ୍ରମିକ ଓ ଦିନ ମଜୁରିଆ ମାନଙ୍କୁ ଆର୍ଥିକ ସହାୟତା ଦେଉଛନ୍ତି । ଆର୍ଥିକ ସହାୟତା ବ୍ୟତୀତ ଇ-ଶ୍ରମ କାର୍ଡଧାରୀମାନେ ଅନ୍ୟାନ୍ୟ ସୁବିଧା ମଧ୍ୟ ପାଇଥା’ନ୍ତି ।

ପ୍ରଧାନ ମନ୍ତ୍ରୀ ସୁରକ୍ଷ ବିମା ଯୋଜନା ଅଧୀନରେ ଇ-ଶ୍ରମ କାର୍ଡଧାରୀମାନେ ୨ ଲକ୍ଷ ଟଙ୍କା ବୀମା କଭର ପାଇଛନ୍ତି । ଏହି ବୀମା କଭରର ଲାଭ ଉଠାଇବା ପାଇଁ ସେମାନଙ୍କୁ କୌଣସି ପ୍ରକାରର ପ୍ରିମିୟମ ଦେବାକୁ ପଡିବ ନାହିଁ । ଯଦି ଆପଣ ଏପର୍ଯ୍ୟନ୍ତ ଆପଣଙ୍କର ଇ-ଶ୍ରମ କାର୍ଡ ତିଆରି କରିନାହାଁନ୍ତି, ତେବେ ଆପଣ ଏହାକୁ ଯଥାଶୀଘ୍ର କରିନେବା ଉଚିତ୍ । ଶ୍ରମିକମାନଙ୍କ ପାଇଁ ଇ-ଶ୍ରାମ କାର୍ଡର ଅନେକ ଲାଭ ଅଛି । ଜାଣନ୍ତୁ କିପରି ବନାଇବେ ଇ-ଶ୍ରମ କାର୍ଡ ...

ଇ-ଶ୍ରମ କାର୍ଡ ତିଆରି କରିବାକୁ, ପ୍ରଥମେ ଆପଣଙ୍କୁ ଶ୍ରମ ପୋର୍ଟାଲ eshram.gov.in ଭିଜିଟ କରିବାକୁ ପଡିବ । ଏଠାରେ ଆପଣଙ୍କୁ ହୋମ ପେଜରେ eShram ର ପଞ୍ଜୀକରଣର ବିକଳ୍ପ ଚୟନ କରିବାକୁ ପଡିବ । ଏହା ପରେ ପଞ୍ଜୀକରଣ ଫର୍ମ ଆପଣଙ୍କ ସ୍କ୍ରିନରେ ଆସିଯିବ ।

ଏଠାରେ ଆପଣଙ୍କୁ ଆଧାର କାର୍ଡର ବିବରଣୀ ଏବଂ ମୋବାଇଲ୍ ନମ୍ବର ଏଣ୍ଟ୍ରି କରିବାକୁ ପଡିବ । ଏହା ପରେ, ଆପଣଙ୍କର EPFO ​​ଏବଂ ESIC ସଦସ୍ୟ ସ୍ଥିତି ଏଣ୍ଟ୍ରି କରନ୍ତୁ ଏବଂ କ୍ୟାପଚା କୋଡ୍ ପୁରଣ କରନ୍ତୁ ।

ଏହି ପ୍ରକ୍ରିୟା କରିବା ପରେ କିଛି ସମୟ ପରେ, ଆପଣଙ୍କ ମୋବାଇଲ୍ ନମ୍ବରରେ ଏକ OTP ଆସିବ । ଆପଣଙ୍କୁ ଏହାକୁ ଏଣ୍ଟ୍ରି କରିବାକୁ ପଡିବ ଏବଂ ରେଜିଷ୍ଟର ଅପ୍ସନ୍ ଉପରେ କ୍ଲିକ୍ କରିବାକୁ ପଡିବ । ଏହା ପରେ, ଆପଣଙ୍କୁ ଆବେଦନ ଫର୍ମରେ ପଚରାଯାଇଥିବା ସମସ୍ତ ଆବଶ୍ୟକୀୟ ସୂଚନାକୁ ଏଣ୍ଟ୍ରି କରିବାକୁ ପଡିବ ।

ସବିଶେଷ ତଥ୍ୟ ପୁରଣ କରିବା ପରେ, ଆପଣଙ୍କୁ ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ୍ ୱେବସାଇଟ୍ ରେ ଅପଲୋଡ୍ କରିବାକୁ ପଡିବ । ଡକ୍ୟୁମେଣ୍ଟ୍ ଅପଲୋଡ୍ କରିବା ପରେ ପୋର୍ଟାଲ୍ ଆପଣଙ୍କର ଆବେଦନକୁ ସଫଳତାର ସହିତ ଗ୍ରହଣ କରିବ । ଏହି ଉପାୟରେ ଆପଣ ସହଜରେ ଇ-ଶ୍ରମ କାର୍ଡ ପାଇଁ ଆବେଦନ କରିପାରିବେ ।