ଖୁସି ଖବର: ଚଳିତ ବର୍ଷ କର୍ମଚାରୀଙ୍କ ଦରମାରେ ବମ୍ପର ବୃଦ୍ଧି କରିପାରନ୍ତି ଏସବୁ କମ୍ପାନୀ

Salary hike: ଚଳିତ ବର୍ଷ କର୍ମଚାରୀଙ୍କ ବେତନରେ ବମ୍ପର ବୃଦ୍ଧି ହୋଇପାରେ । କର୍ମଚାରୀଙ୍କ କାର୍ଯ୍ୟଦକ୍ଷତା ଉପରେ ଏହି ବୃଦ୍ଧି ହେବ । ମାଇକେଲ୍ ପେଜ୍ ସାଲାରି ରିପୋର୍ଟ-୨୦୨୨ ରେ କୁହାଯାଇଛି ଯେ ଦରମା ୮ ରୁ ୧୨ ପ୍ରତିଶତ ବୃଦ୍ଧି ହୋଇପାରେ ।

ନୂଆଦିଲ୍ଲୀ: କୋରୋନା ମହାମାରୀର ତୃତୀୟ ଲହରର ପ୍ରଭାବ ସହିତ ଦେଶର ଅର୍ଥନୈତିକ ଏବଂ ବ୍ୟବସାୟିକ କାର୍ଯ୍ୟକଳାପ ବୃଦ୍ଧି ପାଇଛି । ଘରୋଇ କମ୍ପାନୀଗୁଡିକର ରୋଜଗାର ଉପରେ ମଧ୍ୟ ଏହା ସକାରାତ୍ମକ ପ୍ରଭାବ ପକାଇଛି । ରୋଜଗାର ବୃଦ୍ଧି ଯୋଗୁଁ କମ୍ପାନୀଗୁଡିକ ନୂତନ ନିଯୁକ୍ତି ସହିତ ଚଳିତ ବର୍ଷ ସେମାନଙ୍କ କର୍ମଚାରୀଙ୍କ ବେତନ ବୃଦ୍ଧି କରିବାକୁ ଯୋଜନା କରୁଛନ୍ତି ।

ସଦ୍ୟତମ ରିପୋର୍ଟରେ କୁହାଯାଇଛି ଯେ ଚଳିତ ବର୍ଷ କର୍ମଚାରୀଙ୍କ ବେତନରେ ବମ୍ପର ବୃଦ୍ଧି ହୋଇପାରେ । ଯଦିଓ, ଏହି ବୃଦ୍ଧି କର୍ମଚାରୀଙ୍କ କାର୍ଯ୍ୟଦକ୍ଷତା ଉପରେ ଆଧାରିତ ହେବ । ଏହାର ଅର୍ଥ ହେଉଛି ଉତ୍ତମ ପ୍ରଦର୍ଶନ କରୁଥିବା କର୍ମଚାରୀଙ୍କ ଦରମା ଅଧିକ ବୃଦ୍ଧି ପାଇପାରେ, ଯେତେବେଳେକି ହାରାହାରି କାର୍ଯ୍ୟକ୍ଷମ କର୍ମଚାରୀଙ୍କ ଦରମା ମଧ୍ୟ ସେହି ଅନୁସାରେ ବଢ଼ିପାରେ ।

ଏହି କାରଣରୁ ବୃଦ୍ଧି ପାଇପାରେ ଦରମା 
ମାଇକେଲ୍ ପେଜ୍ ସାଲାରି ରିପୋର୍ଟ -୨୦୨୨ ରେ (Michael Page Salary Report-2022) କୁହାଯାଇଛି ଯେ ଭାରତୀୟ କମ୍ପାନୀଗୁଡିକ ନିବେଶ ଉପରେ ଅଧିକ ସକାରାତ୍ମକ ରହିଛି । ବିଶେଷକରି ଇନ୍ଫାଷ୍ଟ୍ରକ୍ଚର ଏବଂ ଡେଭଲପମେଣ୍ଟ କ୍ଷେତ୍ରରେ ସକରାତ୍ମକ ନିବେଶ ଦୃଷ୍ଟିକୋଣରୁ କର୍ମଚାରୀଙ୍କ ଦରମା ଚଳିତ ବର୍ଷ ୮ ରୁ ୧୨ ପ୍ରତିଶତ ବୃଦ୍ଧି ପାଇପାରେ ।

ସାଧାରଣ ଦରମା ୯% ପର୍ଯ୍ୟନ୍ତ ବୃଦ୍ଧି
ରିପୋର୍ଟରେ ଦର୍ଶାଯାଇଛି ଯେ ସାଧାରଣ ଦରମା ବୃଦ୍ଧି ୯ ପ୍ରତିଶତ ହେବାର ସମ୍ଭାବନା ରହିଛି । ୨୦୧୯ ରେ, ମହାମାରୀ ପୂର୍ବରୁ ଭାରତୀୟ କମ୍ପାନୀମାନେ ସେମାନଙ୍କ କର୍ମଚାରୀଙ୍କ ଦରମା ହାରାହାରି ୭ ପ୍ରତିଶତ ବୃଦ୍ଧି କରିଥିଲେ । ଏହାସହ ଏହା କହିଛି ଯେ ୟୁନିକର୍ଣ୍ଣ ସହିତ ମିଳିତ ଭାବରେ ଷ୍ଟାର୍ଟଅପ୍ ଏବଂ ନୂତନ କମ୍ପାନୀମାନେ ବେତନ ସର୍ବାଧିକ ବୃଦ୍ଧି କରିବେ । ଏହି କମ୍ପାନୀଗୁଡିକ ସେମାନଙ୍କ କର୍ମଚାରୀଙ୍କ ଦରମା ହାରାହାରି ୧୨ ପ୍ରତିଶତ ବୃଦ୍ଧି କରିପାରିବେ ।

ଏହି କ୍ଷେତ୍ରଗୁଡିକରେ ଦରମା ବୃଦ୍ଧି ପାଇବ 
ଯେଉଁ ବିଭାଗଗୁଡ଼ିକରେ ଚଳିତ ବର୍ଷ ଦରମା ବୃଦ୍ଧି ହେବାର ସମ୍ଭାବନା ରହିଛି ମୁଖ୍ୟତଃ ବ୍ୟାଙ୍କିଙ୍ଗ୍, ଫିନାନ୍ସ ସେକ୍ଟର, ରିଏଲ୍ ଇଷ୍ଟେଟ୍, କନ୍ଷ୍ଟ୍ରକ୍ସନ ଏବଂ ପ୍ରଡକ୍ସନ ଅନ୍ତର୍ଭୁକ୍ତ । ଏହି ରିପୋର୍ଟରେ କୁହାଯାଇଛି ଯେ, ଭାରତରେ ଇ-କମର୍ସ ଏବଂ ଡିଜିଟାଲ୍ ଟ୍ରାନ୍ସଫର୍ମେସନ୍ ଦେଇ ଯାଉଥିବା ଅନ୍ୟାନ୍ୟ କ୍ଷେତ୍ର ମଧ୍ୟ ଦରମା ବୃଦ୍ଧି କରିବ । କମ୍ପ୍ୟୁଟର ସାଇନ୍ସ ପୃଷ୍ଠଭୂମି ଥିବା କର୍ମଚାରୀମାନେ ବେତନ ବୃଦ୍ଧି ଉପରେ ଅଧିକବୁଝାମଣା କରିବାକୁ ସ୍ଥିତିରେ ରହିବେ ।