Bhubaneswar: ନିର୍ମାଣଧୀନ କୋଠାରୁ ମିଳିଲା ନିଖୋଜ ମହିଳାଙ୍କ ମୃତଦେହ

Missing women found hanging: ଆଜି ସକାଳେ ରାଜଧାନୀସ୍ଥିତ ଡ଼ମଣା କେଳୁଚରଣ ପାର୍କ ନିକଟ ଏକ ନିର୍ମାଣଧୀନ କୋଠା ପାଖରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ମୃତ ମହିଳା ଗତ ୨୪ ଘଣ୍ଟା ଧରି ନିଖୋଜ ଥିବାବେଳେ ପରିବାର ପକ୍ଷରୁ ପଟିଆରେ ଅଭିଯୋଗ କରାଯାଇଥିଲା ।

Bhubaneswar: ନିର୍ମାଣଧୀନ କୋଠାରୁ ମିଳିଲା ନିଖୋଜ ମହିଳାଙ୍କ ମୃତଦେହ: ଆଜି ସକାଳେ ରାଜଧାନୀସ୍ଥିତ ଡ଼ମଣା କେଳୁଚରଣ ପାର୍କ ନିକଟ ଏକ ନିର୍ମାଣଧୀନ କୋଠା ପାଖରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଆପାର୍ଟମେଣ୍ଟର ପାଚେରୀ ନିକଟରେ ଥିବା ଏକ ଛୋଟିଆ କ୍ୟାବିନ ଭିତରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ମୃତ ମହିଳା ଗତ ୨୪ ଘଣ୍ଟା ଧରି ନିଖୋଜ ଥିବା ନେଇ ପରିବାର ପକ୍ଷରୁ ପଟିଆରେ ଅଭିଯୋଗ କରାଯାଇଥିଲା ।

ସୂଚନା ଅନୁଯାୟୀ, ଆଜି ଭୋର ସମୟରେ ସ୍ଥାନୀୟ ବାସିନ୍ଦା ଚନ୍ଦ୍ରଶେଖରପୁର( Chandrasekharpur Police Station) ଥାନା ଅନ୍ତର୍ଗତ ଡ଼ମଣା କେଳୁଚରଣ ପାର୍କ ସମ୍ମୁଖରେ ଥିବା ଏକ ନିର୍ମାଣଧୀନ କୋଠା ନିକଟରେ ଜଣେ ମହିଳାଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ। ଏନେଇ ସେମାନେ ପୋଲିସକୁ ଖବର ଦେଇଥିଲେ। ଖବର ପାଇ ଚନ୍ଦ୍ରଶେଖରପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କ ଝୁଲନ୍ତା ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ଲାଗି କ୍ୟାପିଟାଲ ହସ୍ପିଟାଲକୁ ପଠାଇଛି। ତେବେ ଘଟଣାସ୍ଥଳରୁ ସାଇଣ୍ଟିଫିକ ଟିମ୍ ପହଞ୍ଚି ଏକ ସୁଇସାଈଡ଼ ନୋଟକୁ( Suicide Notes) ଜବତ କରିଛି । ଏହି ସୁଈସାଇଡ ନୋଟରେ କଣ ଉଲ୍ଲେଖ ରହିଛି ତାହା ସ୍ପଷ୍ଟ କରିନି ପୋଲିସ । ଅପରପକ୍ଷେ ଏନେଇ ମୃତ ମହିଳାଙ୍କ ପରିବାର ଲୋକଙ୍କ ବୟାନ ରେକର୍ଡ଼ କରାଯାଇଛି । ମୃତ ମହିଳା ହେଲେ ଝିଲି ବେହେରା। ତେଣେ ଏହା ଆତ୍ମହତ୍ୟା ନୁହେଁ, ବରଂ ହତ୍ୟା ବୋଲି ମହିଳାଙ୍କ ବାପ ଘର ଲୋକେ ଅଭିଯୋଗ ଆଣିଛନ୍ତି। ଏହି ଘଟଣାରେ ପୋଲିସ ମହିଳାଙ୍କ ସ୍ବାମୀ ବଟୁ ବେହେରାଙ୍କୁ ଥାନାରେ ଅଟକ ରଖି ପଚରାଉଚରା କରିବା ପରେ ଛାଡ଼ି ଦେଇଥିବା ସୂଚନା ରହିଛି । ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତହନ୍ତ ଜାରି ରଖିଛି।