ପୁଣିଥରେ ଓଡିଶାରେ ଜାତୀୟ ଯୋଗ ପ୍ରତିଯୋଗିତା

ଜଗନ୍ନାଥ ପାତ୍ର, କଟକ: ଆସନ୍ତା ୨୮ ତାରିଖରୁ କଟକରେ ଆରମ୍ଭ ହେବ ଜାତୀୟ ଯୋଗ ପ୍ରତିଯୋଗୀତା । ଦୁଇ ଦିନ ଧରି ଚାଲିବାକୁ ଥିବା ଏହି ପ୍ରତିଯୋଗୀତା  ଇଣ୍ଡୋର  ଷ୍ଟାଡିୟମ ପରିସରେ ଆୟୋଜନ ହେବ ବୋଲି  ଏକ ସାମ୍ବାଦିକ  ସମ୍ମିଳନୀରେ ସୂଚନା ଦେଇଛନ୍ତି ବାରବାଟୀ ଯୋଗ ସଂଘ । ଏହି ପ୍ରତିଯୋଗୀତାରେ ଦେଶର ବିଭିନ୍ନ ରାଜ୍ୟରୁ ଶତାଧିକ ପରିମାଣରେ ପ୍ରତିଯୋଗୀ ସାମିଲ  ହେବାର କାର୍ଯ୍ୟକ୍ରମ ରହିଛି ।
 ପୁରୁଷଙ୍କ ତୁଳନାରେ ମହିଲା ପ୍ରତିଯୋଗୀଙ୍କ ସଂଖ୍ୟା ଅଧିକା ରହିଥିବା କହିଛନ୍ତି ଆୟୋଜକ । ପୁଣିଥରେ ଓଡିଶାରେ ଜାତୀୟ ସ୍ତରର ପ୍ରତିଯୋଗିତା ଆୟୋଜନ କରାଯାଉଥିବାରୁ ଓଡିଶାରେ ଯୋଗର ପ୍ରଚାର ପ୍ରସାର ହୋଇପାରିବ ବୋଲି ଆଶା ରହିଥିବା କହିଛନ୍ତି ବାରବାଟୀ ଯୋଗ ସଂଘର ସଂପାଦକ ଗୌର ମୋହନ କର ।