ଅନାଥଙ୍କ ସହ ଦୀପାବଳି ପାଳିବେ ଥାନା ଅଧିକାରୀ

ଜୟପୁର (ପବନ ପାଣିଗ୍ରାହୀ): ଦୀପାବଳି ଉତ୍ସବ ପାଳିବା ସମସ୍ତଙ୍କ ଭାଗ୍ୟରେ ନଥାଏ। ଏପରିକି କୁ ସଂସ୍କାର କୁ ଏକ ଆଲୋକର ପଥକୁ ବାଛିବା ପାଇଁ ମଧ୍ୟ କେହି ମାଗ ଦର୍ଶକ ମିଳନ୍ତୀ ନାହିଁ । ହେଲେ ଖୁସି କୁ ମନେଇବା ପାଇଁ କେହି ରୋକି ପାରିବେନି । ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ଜୟପୁର ସହରରେ । ଅନାଥ ପିଲାଙ୍କ ସହ ଦୀପାବଳିର ଉତ୍ସବ ପାଳିବା ପାଇଁ ଆଗେଇ ଆସିଛନ୍ତି ଜୟପୁର ସହରର ପୋଲିସ ଅଧିକାରୀ ମାନେ ପହଂଚି ପଲନ କରିଛନ୍ତି।

ନିଜେ କଠୋର ଶାସନ କରୁଥିଲେ ମଧ୍ୟ ମନ ଭିତରେ ରହିଛି ଅନେକ କରୁଣା । ସେଇଥିପାଏଁତ ଆଜି ଏକ ଅଲଗା ପୋଷାକ ଓ ଅଲଗା ଚିନ୍ତାଧାରାରେ ଦେଖିବାକୁ ମିଳିଛି ପୋଲିସ ଅଧିକାରୀ ଙ୍କୁ। ବାରଣ୍ଡାରେ ବସିଥିବା ଏହି କୁନି କୁନି ପିଲା ମାନଙ୍କୁ କାହାର ବାପା ନାହିଁତ କାହାର ମାଆ ନାହାନ୍ତି ତ କାହାର ସମ୍ପର୍କ ପରିବାର ନାହିଁ । କିଏ କରୋନା ରେ ମୃତ ବରଣ କରିଛି ତ କିଏ ଝାଡ଼ା ବାନ୍ତି ରେ । ବଞ୍ଚିବାର ରାହା ଖୋଜୁଥିବା ଅନାଥ ପିଲା ଉତ୍ସବ ର ମଜା ଜାଣିବେ କଣ । ଦୁଃଖ ଭରା ଜୀବନ ବିତାଉଥିବା ଏହି ପିଲାଙ୍କ ଜୟପୁର ସ୍ଥିତ ଶିଶୁ ସୁରକ୍ଷା କେନ୍ଦ୍ରରେ ରଖାଯାଇଛି ।

କ୍ଷଣକ ପାଇଁ ହେଲେ ମଧ୍ୟ କିଛି ଖୁସି ଦେବା ପାଇଁ ଆଜି ଜୟପୁର ସହରର ବରିଷ୍ଠ ପୋଲିସ ଅଧିକାରୀ ଟାଉନ ଆଇଆଇସି, ସଦର ଆଇଆଇସି, ଓ ଏସଡିପିଓ ଓ ପୋଲିସ କର୍ମଚାରି ନିଜର କର୍ମମୟ ଜୀବନର ସମୟ ବାହାର କରି ପିଲା ଙ୍କ ସହ ମିଶି ଖୁସି ବାଙଛନ୍ତି । ସେମାନଙ୍କ ସହ ଭାବର ଆଦାନ ପ୍ରଦାନ କରିବା ସହ ଦୀପାବଳି ଉତ୍ସବର ଆଲୋକରେ ସାମିଲ ହେବା ପାଇଁ ସେମାନଙ୍କ ମିଠା ଓ ବାଣ ଦୀପ ଓ ସ୍ଵାଦିଆ ଖାଦ୍ୟ ପଦାର୍ଥ ଦେଇ ତାଙ୍କ ସହ ସମୟ ବିତାଇଛନ୍ତି। ଆଉ ପିଲା ମାନେ ମଧ୍ୟ ନିକଟରେ ଏତେ ସାମଗ୍ରୀ କୁ ଦେଖି ଖୁସି ଅନୁଭବ କରିବା ସହ ନିକଟରୁ ପୋଲିସ ଅଧିକାରୀ ଙ୍କ ଦେଖି ବହୁତ ଖୁସି ଅନୁଭବ କରିଛନ୍ତି । ଯେଉଁ ଅଧିକାରୀଙ୍କ ପାଇଁ ସେମାନେ ଆଜି ଏହି ଅନୁଷ୍ଠାନ କୁ ଆସିଛନ୍ତି । ଅନାଥ ପିଲା ଙ୍କ ଆତ୍ମବଳ ବୃଦ୍ଧି କରାଇବା ନେଇ ଉତ୍ସାହିତ କରାଇବା ପାଇଁ ପୋଲିସ ଅଧିକାରୀ ଙ୍କ ଏଭଳି ପ୍ରୟାସ ସମାଜ ର ଅନ୍ୟ ଲୋକଙ୍କ ପାଇଁ ନିଶ୍ଚିତ ପ୍ରେରଣା ଦାୟୀ।